تعديلات قانونية في جرائم الاغتصاب

في وقت يواجه فيه الشارع المصري ظاهرة التحرش الجنسي بصورة لافتة، في ظل غياب تشريعي، أعلن وزير العدل المصري، المستشار ممدوح مرعي، عن تعديلات وشيكة سيتم إدخالها على قانون العقوبات في البلاد. وتأتي التعديلات الجديدة "لمواجهة انتشار جرائم العنف الجنسي،" وتتضمن "تغليظ عقوبة جريمة الاغتصاب لتصل إلى الإعدام،" والسجن المشدد عند خطف الأطفال، وإذا ارتبطت الجريمة بالاعتداء الجنسي تصل العقوبة إلى الإعدام أيضا،" كما "تم تغليظ عقوبة التحرش الجنسي للحبس سنتين، بدلا من سنة حتى لو تمت بالتليفون أو المحمول أو الإنترنت."
وأقر الوزير "بزيادة جرائم الاعتداء الجنسي والتعرض للإناث بما يخدش الحياء في مصر"، فضلاً عن "عدم مناسبة العقوبات لبشاعة وخطورة هذه الجرائم"، على ما ذكرت صحيفة الأخبار الحكومية المصرية، الخميس الماضي، لافتاً إلى أن "التعديلات التي سيناقشها مجلس الوزراء خلال أيام، ستكون تمهيدا لإحالتها إلى البرلمان المصري لإقرارها".
دبي، الإمارات العربية المتحدة (CNN )


شو رأيكم بهيك تعديلات ؟؟
هل انتم مع اعدام من يغتصب ؟؟ ام الاعدام فقط لمن يقتل ؟؟
هل انت مع تعديل مشابه لما حدث في مصر للقانون في بلدك ؟

موضوع مهم لنتناقش فيه
بانتظار مشاركاتكم


سلام

ايه انا مع اعدامه
لأن هيدا أعظم من القتل ,,قتل الشرف والأعتداء عليه هو مثله مثل قتل النفس
وكمان بركي بصيرو يخافو شوي ويكون في رادع قوي ويفكروا مية مرة قبل ما يعملو جريمتهم

وانا معك اختي زينب اكيد الاعدام هو العقاب يلي بيستحقه

انارائي تطبيق حكم الله .... الله لما وضع الحكم ادرى بخلقه يعني بلا تعديلات البشر وبلا ....

موفقه خيتوووو

بس اختي في مقولة هي
العقوبة الكبيرة تردع الجريمة
وبزمنا هاد صار في ضرورة لتشديد العقوبة
لحتى تردع عن هيك افعال وجرائم
وهو بالاساس ما حدا عم بيطيق شرع الله شبحانه وتعالى
كله يغني على ليلاه

مشكورة على مرورك العطر

ايوه حبيبتي ماحد بيطبق شرع الله ولهذا السبب كثرت الجرائم والاغتصاب لان الله لما وضع هالاحكام مو خاصة لزمن معين دون اخر الله اعلم بخلقه بل صالحه لكل زمان ومكان ومهما تغير الزمن ... فلو كل شخص حاسب نفسه وطبق حكم الله ما وصلنا لهالمرحله ... لكن تغير الانظمة مش حل ...بل بالعكس رح يزيدها لان كل شي من وضع البشر ماراح ينجح ...فالحل هو الالتزام بالمنهج الاسلامي والارشادوبيان المفاسد والاثار المتربه على هالعمل وبخصوص هالشي اذكر حادثة حدثت في زمن الرسول عليه السلام لما جاء رجل للرسول وقال انه يريد ان يزني فهل عاقبه الرسول ... لا بل وضح له عن طريق الوعظ والارشاد فساله هل تحب ان يصنع با اهلك زوجتك اختك امك ..

قال لا يا رسول الله ...طبعا ما اذكر نهاية الحديث لكن هو بالاخر اقتنع بكلام الرسول عليه السلام يعني نحن ينقصنا الثقافة الدينيه ... الوازع الديني ... اتمنى انك فهمتي علي


عموما عذرا ع الاطاله خيتو

انا معك اختي
بس بحالة متل مصر في كتير مشاكل وجرائم من هاد النوع في البلاد
شو بدهم يعملوا
لا الفتوى الدينية ولا الارشاد ولا غيره بينفع
كيف بدنا نوعي الناس !!!!
يعني شوي صعبة لهيك زيادة العقوبة ممكن تفيد اكتر

وبطعا في كتير فرق بين فترة الرسول الاكرم وحياتنا الحالية
ومع هاد التطور
تتغير الاحكام بتغير الازمان

يعني شي عادي انه يكون لكل حالة ولكل عصر قوانين جديدة بتتناسب مع زمنا الحالي

تحياتي الك وبشكرك عالنقاش لانه خلى الموضوع اجمل
سلام