بيتزا على طريقتي :)

السلام عليكم ورحمة الله وبركاته

اليوم عملت بيتزا وحبيت نزلها هون وقلكم شو الطريقة

العجينة
كاستين طحين ابيض
ملعقة صغيرة خميرة
ملعقتين صغار او اقل ملح (حسب شو بتحبوا )
نص ملعقة صغيرة سكر
3 ملاعق كبار زيت
مي حسب الكمية


منخلط المواد الناشفة اول وبعدين منضيف الزيت والمي
وطبعا منضيف المي شوي شوي وندعك العجينة
وطبعا بس تصير العجينة ما بتلزق كتير عالايد ومتماسكة
منغطيها ومنتركها شي ساعة لتتخمر

بس تكون العجينة جاهزة منجيب صينية ومندهنها شوي زيت زيتون ومنحط طبقة من العجينة عليها ومنرشها بجبنة موزاريلا




ومنرجع منضيف طبقة تانية من العجينة عليها
وبعدين منبلش نعمل طراف البيتزا
وبيكونوا من الدجاج المقلي الصغير (بوب كورن دجاج) بتجيبوه جاهز من السوق
ومن فطاير مدورة صغيرة محشية 3 انواع من الجنبة (شيدر - موزاريلا - جبنة دهن ) منخلطهم مع بعض ومنمد العجينة الباقية ومنعمل منها دوائر صغار منحط بنصها الحشوة تبع الجنبة ومندورها بشكل طابة صغيرة
ومنصير نحط بالتدريج طابة جبنة وبوب كورن دجاج بهاد الشكل



ومنحطها بالفرن 5 دقايق طبعا بعد ما نكون شغلناه وخليناه يسخن منيح

وبس تطلع منحط عليها الحشوة وطريقة عمل الحشوة هي :

منقطع نص بصلة و4 فصوص توم ومنقليهم شوي بشوية زيت زيتون وبعدين مضيف عليهم فليفلة خضرا حلوة مقطعة بشكل طولاني وبعدين منضيف صلصة البيتزا الجاهزة (كمان في منها بالاسواق) ومنضيف ملح وشوية فلفل وزعتر بري ( اوروغانو )
ومنرجع منضيف فطر وزيتون اسود مقطع ومنقطع مرتديلا بشكل طولاني كمان
ومنتركهم شي 10 دقايق وطبعا بس نحش شوي الصلصة نشفت منضيف شوي مي ومنحركهم

وبعدين منحط الصلصة على العجينة ومنحاول ما نخليهم بعاد شوي عن كرات الجبنة والدجاج مشان ما ينزعوا المنظر




ومنحط عليها بوب كورن الدجاج كم وحدة بس للمنظر
وبعدين مندخلها الفرن حوالي ربع ساعة من تحت وفوق شي 10 دقايق
يعني كل واحد بده يقدر الوقت حسب الفرن يلي عنده
وبس نطلعها بتكون لسى ساخنة ومنحط عليها جبنة الموزاريلا ومنخليها تسوخ على اقل من مهلها





وهي صورة أقرب





ملاحظة كتيررر مهمة
بحال كنتوا بتخافوا من انه تزنخ بوب كورن الدجاج وهيي بالفرن بتقدروا تضيفوها بعد ما تخلص البيتزا
انا ما بتزنخ معي
بس مرات ممكن حسب نوع بوب كورن الدجاج يصير في شوي زنخة



طبعا انا بحب اعمل البيتزا مع سلطة معكرونة بعملها دائما
وهي سهلة كتير وكتيررر طيبة عبارة عن
معكرونة مسلوقة طبعا ومبردة بالمي
فطر
درة
مايونيز
عصير ليمون
ملح
منخلهم مع بعض ومنقدمهم مع البيتزا





واكيد اكيد اكيد
ما بيكون الاكل طيب بدون





وصحة وهناااا

تسلم الایادی اختی الکریمه ( ابی قطعه صغیره من البیتزا )

تكرم عينك اخي
مشكور على مرورك العطر

يم يم يمي


لززززززيزه

تسلم الايادي

مشكورة اختي الغالية على مرورك العطر

اي اختي ابدا ما بحط لبن زبادي
بس مايونيز
ولا مرة بستخدم لبن مع هيك نوع من السلطات
تحيات الك