ظاهرة كل 4 سنين

السلام عليكم ورحمة الله وبركاته

كل اربع سنين في حدث رياضي بيأثر العالم كله وبيخليه حبيس الغرفة يلي فيها الشاشة العم تنقل هالحدث
طبعا هالحدث هو كأس العالم
الشي الملفت بالموضوع انه كل اربع سنين مو بس منشهد اهتمام كبير بهالحدث كمان منشهد ثورة أعلام غير طبيعية للفرق المشاركة بالمونديال

علم اسبانيا على برندا وعلم البرازيل على الشباك يلي فوق وعلم مدري مين على باب البيت
يعني بتحس حالك على شوي تانية بنص مبنى الامم المتحدة

السؤال المهم يا شباب وصبايا

شو رأيكم بهي الظاهرة ؟ هل هيي عادية ومن حق الشباب يعبروا عن رأيهم من خلال هالاعلام ؟
او هي شي سلبي وانه بدل ما يحطوا هالاعلام يروحوا يعلقوا علم بلدهم او علم فلسطين ؟؟

عطونا رأيكم بالموضوع وما تبخلوا علينا

سلاااااام

وعليكم السلام والرحمة

هو عادة بيقولو حلو الواحد يحضر فتبول ويشجع بس مش لدرجة انو ينفعل ويقهر حالو ويعصب كرمال هل اللعبة خاصة انو عم نشجع فرق اوروبية مش عربية !!

فما بالك ازا دفعنا مصاري ,, اد ما كان المبلغ,, كرمال نعلق علم لدولة تانية
بالاحرى يعني هيدا يلي ماشي على الشارع بسيارتو ومعلق علم لفريق او منتخب ,, يعني شو بيكون عمل وشو بيكون ستفاد !! ما عم افهم يعني ازا ربح فريقو كاس العالم شو رح يجيه ؟؟ رح تبعتلو السفارة الفلانية فيزا على بلادها واقامة مجانية ل عشر تيام ؟ والنكتة لما يخسر الفريق يلي بيشجعو ,, شوفو كيف رح يكب العلم على الارض ويعصب ويولع العلم ويحط الحق على المدرب ويفش خلقو بالعيلة

بحسها ظاهرة سخيفة جدا

انا بقول انو لأ ما فينا نقول سخيفة ظاهرة حلوة تخلق جو رائع و تفيّق كل العالم أنا برأيي ما فيها شي اذا حط الواحد علم على الشرفة و ين المشكلة ؟؟؟

karrar haidar كتب:: انا بقول انو لأ ما فينا نقول سخيفة ظاهرة حلوة تخلق جو رائع و تفيّق كل العالم أنا برأيي ما فيها شي اذا حط الواحد علم على الشرفة و ين المشكلة ؟؟؟

عادة بس الواحد يحط راية او علم على البرندا او السيارة بيكون عم يعبر عن انتمائه لشي معين ,, وطنو ,, بلاده ,, حزبه يلي حاميه ,, راية دينية ,, بس تخايل عم تحط علم لدولة اجنبية ما جايك منها شي بس لانو انا بشجعها او شي ,, مش غلط الواحد يشجع او يحب فريق بس في حدود لهل الشي لانو بس الواحد يفوت بهل الجو ,, اعلام وما اعلام ويمرق حدو سيارة تانية وبتعرف عنا كيف بيعيشوها على المكسيموم بيلشو يسبو لبعض وهل الحركات واللبناني بيفكر حالو ايطالي او برازيلي عنجد

يعني تخايل مرة جماهير البرازيل عملو حاجز على الطريق لجماهير المانيا ونزلو ضرب ببعض !! هاي صارت بال 2002

اي شي بيمثل انتماء او هوية وهو سبب لوجودك ممكن تحط علمه متل الحزب او الوطن او الدين بس شي بيعبر عن مجرد هواية مش لازم يتحول لشي بيعبر عن انتماء لانو بيادي لمشاكل وهون بيصير الامر جدا سخيف

انا ضد انو يصير في مشاكل و صدقني يحطوا اعلام البلدان احسن من اعلام الاحزاب لانو راح فبها دم بتعرف انت خييي ...بعدين كلا شهر و بتروح الأعلام Laughing

هلء المشاكل كرمال الاحزاب بتصير وين ما كان وبتضل محمولة لانو الحزب بيكون معيش الواحد ومطعمي ومشربو وملبسو او نتيجة ظروف معينة ,, بس تخايل انا عم اتخانق معك كرمال انت بتشجع البرازيل وانا بشجع الالمان

هي الراية بالاساس وجدت للاحساس بالانتماء ولما تحمله من رمز وقومية كيف اذا كنت حامل راية غيرك واصلا انت ما بتعنيلو شي ,,, يعني هلء الالماني اذا شافني حامل علم المانيا شو رح يعمل ,, بالعكس رح يضحك عليي ويقول ليكو ها العربي هلئد مستواه ,,,

كل واحد الو رايه بالنهاية وشي طبيعي يكون في اراء مختلفة

صح بكرا رايح اشتري العلم هههه Laughing

علم شو ما علينا Laughing

اوعى تكون ايطالي ها hit

هههههه لأ عم فكر بعلم اسبانيا Laughing

ايييييييييييه حلو لعبن الاسبان

احسن من الطليان Laughing

اي طبعا انا بكرهن من وقت كأس العالم الأخير تفوووووووووو عليهم شو زعبارين Laughing

مشرفتنا مو حيادية لانها خصصت الشباب وليس الشباب هم من فقط يشاهدون المباريات ههههه انا من رأي مشرفنا العزيز وسميي حسين انو حلوه هالاجواء ولكن دون تعصب وعمل مبارايات قصدي معارك مشان هذا الفريق او ذاك يعني بختصار فريقي خسر خلاص مابنتخانق مشان هذا خسر والفريق الثاني ربح واما بخصوص الاعلام تعطي جو بوقتها وماتضر لو ارتفعت للترفيها ليس الا وبس وتحياتي

مشكورين حسين الالماني وكرار حيدر الاسباني على المشاركة
وبالنسبة لاخي فرسان النار بالعكس انا قلت يا شباب ويا صبايا
يعني وجهت الحكي للاتنين
بس دائما البنات مع الهم مراق بقصص الطابة
وانا بستغرب هاد الشي لانه بالاخير هي رياضة حلوة ومو حكر عالشباب

اما بالنسبة لموضوع الاعلام يعني تحت ال15سنة بحس هالقصة عادية انه الواحد يعلق علم البلد يلي بيشجعه بس اكبر من هيك بحس لا انه الواحد صار اكبر من هالقصص

» الفتيات المقاتلات.. ظاهرة تتعزز في غزة
» ظاهرة غريبة في البصرة بقع أرضية " مشعة " !!!
» ظاهرة فريدة لطيور الحرم الحسيني
» في ظاهرة فريدة البرق يضيء مدينة فنزويلية بمعدل 40 مرة بالدقيقة