حوار الاسبوع ,,, الزواج

"الحب" كلمة من حرفين .. معناها بسيط .. ولكن مغزاها كبيــر .. مفهومها يختلف من شخص لآخر .. قد يكون الحب
بالنسبة لك تضحية .. وقد يكون عطاء ٌ بلا حدود .. فهو لا ينحصر على هذه المعاني, بل هو أعم وأشمل (هذا برأي
الشخصي) .. فالحب قد يعبر عنه بكلمة واحدة .. أو سطر واحد .. أو بعدة صفحـــــات .. كل ٌ حسب طريقته ..

الحب السامي الذي يجب أن يكون بين الزوجين .. هو ذلك الحب المبني على التفاهم والثقة .. هو الحب الذي
أسسه قائمة على التضحية والإيثار .. على البذل والعطاء .. على الإخلاص والوفاء .. وغيرها الكثير من المعاني
والصفات ..

المستوى العلمي ليس بالضرورة حاجز يمنع الزواج الا انه من اجل سلامة الزواج ينصح بان يكون المستوى العلمي للزوجين متقارب.اما بالنسبة للجنسية و المكان فنفس الشيئ هو ليس عائق الا ان تغير العادات و التقاليدو نمط العيش و اسلوب التفكير قد يكون له اثر سلبي غلى الزواج, الغربة في ايامنا هذه لم تعد عائقا للزواج فيكفي اذا كان الزوج مسافرا ان يرسل في طلب الزوجة..

اذا سؤالك هلق عن الحب الحقيقي
فبعتقد الحب الحقيقي هو الاحترام المتبادل والتفاهم بين الطرفين
واكيد المشاعر الحلوة يلي بتخلي الانسان يوصل بفضل الحب الى نفسية منيحة كتير ويحس بالامان
واكيد هو تجاوز كل الظروف الصعبة بتعاون بين الطرفين

وعنجد الحب هو مطلب اساسي بالزواج
وانا عن نفسي ما بحب اتزوج زواج تقليدي وبتمنى يكون زواجي عن حب صادق

إشراقة الغد كتب:

ما رأيكم في الارتباط بشخص دون مستواكم التعليمي او اعلى منه؟؟

هلء ما في مشكلة بالمستوى التعليمي ,, يعني مش رح اقعد برهنلها حبي الها على طريقة بيثاغوريس ولا لح استعين بالتركيبات الكيميائية ومش رح اصفقها بيتين شعر للزردشتي اهبلها فيهم ,, المهم تكون واعية وبتفهم بشكل عام وملتزمة دينيا بشكل خاص واصلا المستوى التعليمي بتنحل ,, يعني ازا كانت ازمة كبيرة بنعلمها نحنا مش مشكلة P:


ساعتين زمان بالمنتدى بيمشي حالها

بنت سورية كتب:

الشباب ما لح يشاركوا بهيك موضوع عن الزواج
لانه نص الرجال والشباب بيفضلوا حياة العزوبية وبعتبروا الزواج مقبرة الحب والرجل

ولى انا غلطانة شباب

هههههههههه غلطانة ونص الشباب بيكونو عم يفكرو ازا بيتزوجو الرابعة ولا بيضلو على 3

بالنسبة للحب

اذا بدنا نعطي الحب حقه لازم نطلع شوي برا موضوع الزواج ,, لانو مش كل ما قلنا حب يعني في زواج بالدق

في حب اخوي وحب في الله وحب الله عز وجل وحب الزوجين

طبعا حب الله هو الاسمى وبعدين بيجي حب الزوجين والحب في الله والحب الاخوي يلي بتتفاوت درجاتو من شخص لشخص


على مستوى الزوج والزوجة ,, الحب الحقيقي بيجي حسب الطرفين ,, طبعا الحب اول ما بيبلش بيلش باقوى حالاته لدرجة الذوبان والاستعداد للتضحية بكل ما يملك الطرفين ,, بعد فترة بيبلش يخف هل الحب نتيجة ظروف عديدة ما الي خلء عددها

الحب الحقيقي برأي هو الحب يلي بيضل ثابت ما بيتغير على مر الايام الاشهر والسنوات ويلي بيصمد امام المشاكل والاختبارات التي يمر بها الطرفين


اما عن تعريف صفات هذا الحب ,, بكل بساطة هو الحب يلي بيكون خليط بين العشق والاحترام والتضحية والصبر والحب الاخوي ونص كيلو حبة مع هال كمان بيمشي الحال


شكرا على الموضوع والتفاعل

يعطيكم الف عافية

اذا بحبه وبدي هو بحاول اقنع اهلي فيه
واذا ما اقتنعوا ورفضهم اله لاسباب مو وجيهة
بصراحة ما برد على حدا لانه هي حياتي وانا يلي بقرر شو بدي
بقلهم ما لح اخد غيره وبحطهم تحت الامر الواقع
ومع الايام لازم يتقبلوه ويحترموا قراري

اقتباس :

حسنا وماذا لو واجهتم مشكلة رفض الوالدين للشخص الذي اخترتموه؟؟

مممم بالنسبة للشباب هاي ما بتشكل مشكلة كبيرة بالنسبة الهم على عكس البنات

يعني ما في غير الاصرار على هل الشي ومحاولة الاقناع بشتى الطرق ,, واذا ما مشي الحال بنعلمها متل ما قلت فوق

حسنا وماذا لو واجهتم مشكلة رفض الوالدين للشخص الذي اخترتموه؟؟


بحاول اد ما فيي أقنعهم وقدم أسباب قبولي واتناقش معن عن اسباب رفضن
واذا أصروا عا رأيهم بفضل ما أخسر أهلي ورضاهم كرمال أي حدا..

انا ضد تعدد الزوجات الا في حالات معينة
يعني مرات بتكون المراة مريضة وما بتقدر تقوم بواجباته كزوجة
او بتكون غير قادرة على انجاب الاطفال
بهي الحالة اذا زوجها بده اولاد ومصر لازم تحترم هاد الشي وتقبل بزواجه
كمان لما عنجد بتكون المراة مهمة وسيئة مو تكون بس حجة كالعادة عند الرجال ليطرقها زواجة على مرته

سلام

السلام عليكم

موضوع حلو تسلم ايدك اختي اشراقة الغد

بالنسبة للسؤال الاول : المواصفات اللي اتمناها في شريك الحياة.
طبعا اني متزوجة الحمدلله ..كانت في بالي مجموعة مواصفات منها انه يكون خلوق وكريم ورجل يعتمد عليه بالاضافة الى كونه طويل القامة عريض المنكبين هههههههه والحمدلله الله رزقني مثل ما اتمنى الله يرزقكم جميعا >>اللي مو متزوجين طبعا واما المتزوجين ما اعتقد في داعي للزواج مرة اخرى مدام ما في مشكلة ولا يوجد مسوغ شرعي يستدعي تعدد الزواج

اما بالنسبة للزواج من بلد آخر :
يعني هالشي ما عليه اشكال شرعي . لأن المقياس في قبول الارتباط او رفضه هو الدين والخلق
ولكن يبقى التوافق . اذا كان في توافق بين الطرفين من ناحية العادات والتقاليد ما في مشكلة .. وبرأيي الافضل هو الارتباط بشخص من داخل البلد.

الله يوفقكم جميعاً ان شا الله ويرزقكم كل ما تتمنون

salam mawdou3 7elo w b7ajet la ktir moune2ashet w bel nessbe 2ele l mouwasafet aham shi 2no mou2mein bel darajet l 2oula w akid 2a5la2 w 2e7tiram w 3ameil l se2a bein l tarafein w bel nesbe la mawdou3 l mousatwa l 3elme bfadeil ykouno 2rab le2an ba3ed fi mara7eil la 2edeim 7a ysir 3adam tafehom bi ba3ed l mawadi3 natijeit tafewot bel mousatawa bi nazre! w sou2ale la 2elkoun 2no bte3t2do 2no l 7ob l sad2 byeb2a nafess l shi ba3ed l zawej?w kif bi koun dawr l tarafein bel 7iffaz 3aleih
ta7yati leil jami3 .Janoubia