حوار الاسبوع ,,, الحرية

السلام عليكم ورحمة الله وبركاته ..

حوار الاسبوع ,,, سلسلة من النقاشات القيمة والهامة التي سوف نقوم بطرحها اسبوعيا على شكل موضوع كل اسبوع نقوم بطرحه ومناقشتها والتطرق الى كامل وجهات النظر لدى الاعضاء لتتم الاستفادة وليس بالضرورة اثبات صحة راي ما انما الهدف من هذه الحلقات هو الافادة والاستفادة من النقاط الخفية والحلقات المفقودة في بعض المسائل الهامة التي تتحكم في حياتنا والتي قد نغفل عنها لسبب ما ..

اعذروني لتأخري في وضع الحلقة فصحتي ليست على ما يرام هذه الايام .. نسألكم الدعاء ..

الحلقة السادسة من هذه السلسلة ستكون

"الحرية"

ما مفهومكم للحرية؟؟؟

ما الفرق بين الحرية الشخصية والحرية العامة؟؟؟

الحرية هو ان تفعل ما يحلو لك لكن بحدود وحياء
وهيدا بكون غالبا مع احترام حرية الآخرين حيث
اما من حيث الفرق,,,فما في فرق في ارتباط وثيق
لأن حرية الآخرين يجب ان تبدأ عند حدود حريتنا

وين التفاعل والمشاركة tikseer

الحرية قدرتي على الحصول على كل حقوقي
وانه كون قادرة على القيام وممارسة الاعمال يلي بدي هيي طبعا ويلي بتكون ضمن حدود عاداتنا وتقاليدنا
لانه للأسف مرات في ناس عم يمارسوا حريتهم واعمالهم بس مو ضمن عادات المجتمع !!

يسلمووو عالموضوع

بنت سورية شنو قصدتي بالعادات؟؟؟

وهل العادات هي من تحدد حدود وضوابط الحرية؟؟؟

وين الشباب ليش ما تشاركون tikseer

العادات يعني الاعراف الموجودة بمجتمعنا
يلي ربينا عليها ، يلي مرتبطة بديننا وطبعا يلي ما بتتعارض مع العقل
كمان لانه في مرات عادات وتقاليد ما بتتناسب مع هاد الزمن ممكن الواحد يطلع عنها
يعني مثلا من زمان البنت ما كانت تقدر تطلع تقعد بمحل عام هيي ورفقاتها لانه المجتمع كان اكتر انغلاقا
هلق الوضع غير من حقها وهي ضمن الحرية الخاصة فيها انه تطلع مع صديقاتها
فبرأيي العلاقة بين الحرية والعادات قوية
بصراحة الحرية متى ما طلعت عن اطار العادات بيصير الها اسم تاني
وبكل صراحة بيصير اسمها فلتان اخلاقي
والامثلة كتيررررة بس ما حابة اذكرها

سلام

طبعا مو كل التصرفات يلي بنطلع فيها عن العادات تبع المجتمع اسمها فلتان اخلاقي
بس في هلق حرية معينة كتير عم بيطالبوا فيها الجيل الشاب وعم تكون ضمن ما يعرف بالفلتان الاخلاقي

ان شاء الله تكون فكرتي وضحت
حاسة براسي مليون فكرة وفكرة لانه

بنت سورية اللي فهمته من كلامكِ ان الحرية تكون محدودة بالعادات .. صح؟؟

بصراحة حرية التصرفات اكتر هيي يلي بتحكمها العادات
من حرية التفكير

بنت سورية كتب:: بصراحة حرية التصرفات اكتر هيي يلي بتحكمها العادات
من حرية التفكير

ممكن توضحين اكثر Embarassed

الحرية ما يتتحدد بالعادات

الحرية تُحدد من قبل تعاليم الاسلام والشرع

لان مو بالضرورة العادات تتوافق مع الشرع

اللهم صل على سيدنا محمد وعلى آله وصحبه وسلم
جمعة مباركة

الحرية .لها معناها السلبي والايجابي وتختلف من مجتمع لآخر ...الحرية كمجتمعات عربية هي الخروج عن قيد العادات والتقاليد ..اما بالنسبة الي كمفهوم فلا اجد لها تعريفا خاصا ...
الفرق بين الحرية الشخصية والعامة ..ان تقف حريتك عندما تبدأ حرية الآخرين ..

اختي اشراقة الغد ليش نحنا من وين مستمدين عاداتنا وتقاليدنا
مو اغلبها من الدين الاسلامي
صحيح مو كلها بس الاغلب

بنت سورية انتي قلتيها ان مو كل عاداتانا ماخذينها من الاسلام

فما نقدر نخلي العادات معيار للحرية

السلام عليكم

الحرية هي قانون ,,,

ان امارس جميع حقوقي شرط ان لا يتعدى ذلك على حقوق الاخرين

بكل بساطة ,, طبعا هنالك خروقات كثيرة لهذا القانون خاصة في عصرنا الحالي

ان كان خرق مباشر او غير المباشر ,,

مباشرة يكون عن طريق الديكتاتورية والانظمة الحاكمة

اما الغير مباشرة فهي عبر الغزو الثقافي الذي يهدد بتغير مفهوم هذه الكلمة ويجعلها سلاح ذو حدين

طيب لح احكي بكل صراحة بموضوع ارتباط الحرية بالعادات يلي مستمدة من الاسلام
لما بتجي بنت بتطالب بحقوقها وبحريتها بالتعليم واختيار الزوج والعمل وغيرها
منكون نحنا هون ضمن اطار تعاليم الاسلام والشي الصار متعارف عليه بالمجتمع
بس لما بتجي تحت شعار الحرية بتعمل علاقات غير شرعية مع الشباب لانه هي ضمن حريتها
بتكون طلعت عن اطار العادات والتقاليد وتعاليم الاسلام
وصار الشي يلي عم تعمله مو حرية صار انفلات اخلاقي
ما اله علاقة بالحرية
لكل كل شي حدود حتى الحريات
لما بتتجاوز العادات والتعاليم تبع المجتمع بتصير شي تاني بعيد كل البعد عن الحرية

بتمنى اختي هالمرة تكون الفكرة واضحة حوار الاسبوع ,,, الحرية 687589

» حوار الاسبوع ,,, الجرأة .. الخجل ..
» حوار الاسبوع ,,, الزواج
» حوار الاسبوع ,,, الحوار
» حوار الاسبوع ,,, الحجـاب
» حوار الاسبوع ,,, الثورة الحسينية