سابليه من بنت سورية للكل - مع صور

السلام عليكم ورحمة الله وبركاته
اليوم جبت طريقة عمل بسكويت السابليه وجربته وحبيت دلكم عالطريقة وفرجيكم كيف بينعمل
مع الصور طبعا

المقادير وطريقة عمل العجينة:

المكونات
• ٣و١/٢ كوب طحين
• ١ و ١/٢ كوب زبدة طرية
• ١ كوب سكر ناعم
• ١ بيضة
• ٣ م.ص بيكينج بودر
• ١ م.ص فانيللا
• مربى أو شوكولا حسب الرغبة
طريقة التحضير
1. تضرب المكونات في محضر الطعام الكهربي او تدعك باليد
2. تغطى وتوضع في الثلاجة لمدة ساعة
3. يرش الطحين فوق سطح جاف ويرق فوقة العجين بسمك نصف سم
4. تقطع بواسطة قطاعة البسكوت
5. تخبز في فرن متوسط الحرارة لمدة ١٠ دقائق حتى تكون فاتحة وطرية
6. تترك لتبرد على شبكة


هلق بعد ما انقطع العجينة بالشكل يلي بدنا هو وانا اخترت قلوب
منحطها بالصينية بدون ما ندهن الصينية بالسمنة او الزيت (بس بطعا لازم تكون صينية ما بتلزق بالأصل)

بهاد الشكل





وبعدين منحطهم بالفرن متل ما قلتلكم حوالي عشر دقايق
وبس نطلعهم ويبردوا شوي منبلش نحط عليهم شوكولا
طبعا الشوكولا منجيبهم ومندوبها على البخار
(منجيب طنجرة صغيرة ومنحط فيها مي ومنخليهم يغلوا وبعدين منحط فوقها صحن فوقه شوكولا الزينة )

منقدر نحط شوكولا بنص الشكل يلي عملناه وبعدين نحط فوقه قلب تاني



ليصيروا هيك




او بنقدر نغط طرف من البسكوتة بالشوكولا بدل ما نحشيها متل الصورة القبل

وبهي الحالة منحطها بعد ما نغطها بالشوكولا على صحن عليها نايلون وبس نخلص فورا منحطها بالفريزر(التلاجة) كرمال الشوكولا فورا تجمد وما تعبي الدنيا


وبس خلصنا من تحضيرهم عالاخير
منجيب صحن ومنرش عليها سكر بودرة وشوية شوكولا عالاطراف
ومنبلش منصف الاشكال يلي عملناهم



ولمزيد من التزيين الحلو
منجيب نايلون ومنجيب معلقة مليانة شوكولا سايلة ومنبلش نعمل شكل من الشوكولا على النايلون
بنقدر نعمل شكل زكزك وبعدين منحطهم بالفريزر ليجمدوا وبعدين منقدر نشيلهم بسهولة من النايلونة ونحطهم بين البسكويت بهي الطريقة





وصحة وهنا
ان شاء الله تعجبكم
جربوها يا صبايا كتير سهلة وطيبة
وهلق وانا عم اكتب الموضوع عم اكل وحدة

شكلها حلو كثير يسلموا مشرفتنا العزيزة بنت سورية وتحياتي لكِ

والله يا ريت بقدر دوقكم هيي

مشكورين على مروركم الحلو
نورتواااا

لذییییییییذه و سهله را اجربها

لانی بصراحه اعشق الطبخ ولذلک صرت ماهر فی الطبخ

الایرانی و العربی


فی مثل کویتی یقول :


( مداح نفسه... یبیله رفسه)


موفقین انشاء الله

لا على سلامتك اخي
طيب نزل الاكلات يلي بتعملهم لحتى نشوفهم
ونتعلمهم

مشكورعلى مرورك الحلو

سلااام

اووه .. كتير مبينة طيبة
=)
شكرا لكِ
يعطيكم العافية

مشكورين جميعا عالمرور الحلو
نورتوا الموضوع

نورتي عشوقة
بس شوفك من جديد بدوقك منهم اكيد

مشكورة أختي فعلاً حلو كتير طيب هلأ لح قوم أعملها

تحياتي

ممممممممممم لزيييييييز .. ولك يسلمو يابنت سوريه


تسلمي طباختنا

مشكورات يا صبايا على مرورك الحلو
نورتوا