حوار الاسبوع ,,, الحجـاب

السلام عليكم ورحمة الله وبركاته ..

حوار الاسبوع ,,, سلسلة من النقاشات القيمة والهامة التي سوف نقوم بطرحها اسبوعيا على شكل موضوع كل اسبوع نقوم بطرحه ومناقشتها والتطرق الى كامل وجهات النظر لدى الاعضاء لتتم الاستفادة وليس بالضرورة اثبات صحة راي ما انما الهدف من هذه الحلقات هو الافادة والاستفادة من النقاط الخفية والحلقات المفقودة في بعض المسائل الهامة التي تتحكم في حياتنا والتي قد نغفل عنها لسبب ما ..

الحلقة الثامنة من هذه السلسلة ستكون

"الحجاب"

ما مفهومك للحجاب؟؟؟

إشراقة الغد كتب:: ما مفهومك للحجاب؟؟؟

سلام خداا ..

اقتباس :

ما مفهومك للحجاب؟؟؟

الحجاب من حجب الشيء وغطائة ..

الحجاب بالمعنى العام هو غطاء الفتاة للأجزاء التي يحرم على الأجانب النظر اليها ..

فتظهر الفناة بكامل حشمتها وعفتها ..

ويكون الحجاب بعيد عن الزينه والألوان ..

إذ الهدف منه التستر وليس للزينة ..

.

.

مشكوورة ع الطرح ..

ياعلي ..

MoOonti كتب:

سلام خداا ..

اقتباس :

ما مفهومك للحجاب؟؟؟

الحجاب من حجب الشيء وغطائة ..

الحجاب بالمعنى العام هو غطاء الفتاة للأجزاء التي يحرم على الأجانب النظر اليها ..

فتظهر الفناة بكامل حشمتها وعفتها ..

ويكون الحجاب بعيد عن الزينه والألوان ..

إذ الهدف منه التستر وليس للزينة ..

.

.

مشكوورة ع الطرح ..

ياعلي ..

شكرا مونتي ع المشاركة

هناك من يقول الحجاب ليس مهما!!!

وليس الدين والاخلاق مرتبط بالحجاب!!!

ما هو تعليقكم؟

تحياتي

الحجاب مهم بس اكيد مو هو دليل العفة والاخلاق للبنت
لازم يكونوا مرتبطين ببعض بشكل صحيح
وهاد الشي يلي ما عم نشوفه هالايام للأسف
صار الحجاب مجرد غطاء عالرأس والاخلاق صارت بخبر كان

بنت سورية كتب:: الحجاب مهم بس اكيد مو هو دليل العفة والاخلاق للبنت
لازم يكونوا مرتبطين ببعض بشكل صحيح
وهاد الشي يلي ما عم نشوفه هالايام للأسف
صار الحجاب مجرد غطاء عالرأس والاخلاق صارت بخبر كان

اوعى حدا يفكر بهل الطريقة ,,, هيدا المفهوم جدا خاطىء ,, صحيح انو في نسبة من المحجبات ما بيمتو للعفاف بصلة او حتى للاحترام بس هيدا مش معناتو انو نحكي بهل الطريقة وبالتالي ننزل من قيمة الحجاب ,,, يعني لو في حدا مش محجبة عم تقرا هلء اكيد رح تقول معك حق ورح تتشجع اكتر على موقفها من عدم ارتداء الحجاد من ناحية اعتبار انو الحجاب مش دليل للعفة بينما الله عز وجل امر بالحجاب للعفاف ,, زكاة الجمال العفاف !!

ما بيصير هل الحكي بعدين بالعكس الحجاب اجا لستر ما هو ظاهر مش ما هو باطن ,, انت عم تحكي عن الاخلاق ,, شو خص الحجاب بالاخلاق ,, يلي بيحصن الاخلاق هو الايمان والتزود الديني اما الحجاب فهو امر منزل من الله عز وجل لستر ما هو ظاهر وهو شي بسيط من الاخلاق ,, الاخلاق بحث جدا بعيد عن الحجاب ويا ما في حريم لابسة حجاب وما فيها لا عفاف ولا اخلاق بس هل الشي ما بيعني انو سقطت قيمة الحجاب اذا الحرمة مش محترمة حالها ,, هيدا الشي بيدل على خلل بالنفسية مش بالحجاب ,, بالنهاية انا اذا شفت وحدة ماشية بالشارع بطريقة مش محترمة هيدا الشي بيعني انو عندها خلل بطريقة فهمها للقيم الدينة وما بيسقط قيمة الحجاب كونه "غطاء على الرأس" بالعكس ممكن تكون اكتر وحدة ملتزمة بالحجاب لكن نتيجة سوء ما ظهر منها تصرف عاطل

كمان شغلة الله عز وجل امر بالصلاة وكلنا بنصلي وبس نخلص صلاة ابصر شو بنعمل ,, ما فينا نجي نقول انو الصلاة صارت مجرد حركات رياضية لانو ما عادت الصلاة عم تاثر فينا

بالنهاية ما فينا نمس بقيمة الحجاب لانه امر منزل لا نقاش فيه من حيث القيمة وما يعكسه حتى لو العالم غلط ما فينا نقلل من قيمته ولازم نعالج المشكلة مش نحط ملح وحامض وبهار وكتشب على الجرح

الغلط انك عم تحطي معيار للعفاف مقارنة بالحجاب بينما الحجاب هو معيار العفاف

اكيد حسين انا ما نزلت من قيمة الحجاب بكلامي ولو
بس انا بسؤال الاخت اشراقة الغد عن ارتباط الحجاب بالاخلاق قلت وجهة نظري والشي يلي عم بيصير ووضحت انه لازم يرتبطوا ببعض بالشكل الصحيح
وبالعكس انا مع كلامك والشي يلي بدي قوله ووضح فيه وجهة نظري بالنسبة لارتباط الاخلاق والحجاب
انه ديينا هو بالاساس دين اخلاق بكل تعاليمه بما فيها الحجاب لكن للاسف يلي عم بيصير هلق انه في بعض الفتيات بتصرفاتهم هنن عم بينقصوا من قيمة الحجاب يلي هي عند الاخرين رمز لديينا
لهيك البنت لما بدها تتحجب اهم شي تعرفه انه يلي على راسها هو رمز كبير ولازم تلتزم فيه لابعد حد
وتكون كفتاة مسلمة رمز للطهارة والعفة والاخلاق العالية
يلي بتنهلها من الدين الاسلامي ومن مدرسة اهل البيت عليهم السلام

بتمنى يا حسين تكون وجهة نظري وضحت هلق
انا حكيت رأيي عن نقطة معينة ومعاذ الله انه نزل من قيمة الحجاب بالعكس بس يمكن كان لازم الفمرة تتوضح مني اكتر كرمال ما يصير عاللغط

سلام

شكرا بنت سورية وحسين ع المداخلة

اني طرحت السؤال لن بعض يلي بعرفهم غير محجبات

مع انهم على اخلاق وبيعرفوا قيمته

ومع ذلك ما بيتحجبوا

وليدافعوا عن موقفهم بيقولوا ..

"الحجاب مو معناته الاخلاق والالتزام"

مع ان الدين امر بالحجاب والستر

بس البعض منهم صاير عنده غلط بمفهوم الحرية

بيفكروا ان الحجاب بيسلب شي من حريتهم وبيقيدهم

مع ان العكس هو الصحيح

تحياتي

الحجاب ما بيسلب الحرية لكن البعض متل ما حكيتي هيك بيفكر
ولكن يلي عم بيصير انه المجتمع صار يتجه نحو الانفتاح والانحلال الاخلاقي لهيك صار الحجاب عند البعض دليل على التخلف وشي من الماضي وما بيتناسب مع عصرنا الحالي !!!!!!!!!!

كل ما ابتعد الشخص عند الدين الاسلامي كلما ابتعد عن انسانيته واخلاقه

الحجاب هو أداة مساعدة للمرأة في مسيرتها لجهاد النفس و حفظ نفسا. و هو أمر من الله اول شي سبحانه و تعالى.
و كل البنات اللي اتحجبو مش يعني انن وصلو للكمال المطلق و صفو النفس وابرعو بجهادا, بالعكس يمكن الحجاب هو الخطوة الأولى لهي المرحلة الجهادية.يعني أذا شفنا بنت محجبة بس سلوكها مش سوي مع الحجاب مش يعني انو هي البنت لازم تشيل الحجاب مثلا, أو نقول انو ليكو البنات المحجبين كيف عم يتصرفو. بالعكس كل واحد على قد أدراكو و أدراكو لمداخل النفس و أستعانتو بالله. الأيمان عند كل أنسان هو رياضة روحية تصاعدية منو منستمد كل الأخلاق الحسنة كرمال نتصرف صح مع خينا الأنسان.
و كمان في كتييييير بنات عندن العفاف و عندن الأدب و الحشمة و عندن صفاء بالروح و يمكن أحسن من بنات كتير محجبة بس ما صار في اتصال بين القلب و العقل حول هيدا الموضوع لتتحجب.

و أحسن نصيحة للأهل انو ينمو فكرة الحجاب عند البنات من هني و زغار متلا متل الصلاة كرمال وقت يوصلو للتكليف يكونو جاهزين للموضوع قلبيا. و كرمال ما تضيع السنين على البنات ليفكرو بالموضوع و ليعيشو الصراع و ليلاقو الفرصة ليتحجبو بيكون راح العمر و العمل .

مشكورة اشراقة على الموضوع الحلو و ان شاء الله بدنا نعمل موضوع عن المشاكل اللي بتواجها المرأة المحجبة بالعالم خصوصا بهالمرحلة من الأحداث السياسية بالعالم.

» حوار الاسبوع ,,, الجرأة .. الخجل ..
» حوار الاسبوع ,,, الزواج
» حوار الاسبوع ,,, الحرية
» حوار الاسبوع ,,, الحوار
» حوار الاسبوع ,,, الثورة الحسينية