حوار الاسبوع ,,, العبـــــادة: تسليم أم اقتناع؟؟؟

بعتقد بنسبة منيحة اقتناع
مو بمعنى انه انا بدي اقتنع بأنه مفروضة عليي العبادة او لا
لا بس من ناحية انه بعض الاشخاص بيفكروا انه العبادة عمل بدنا نساويه عالسريع وما بيكون في تفكر وخشوع أثناء العبادة
واحيانا بيكون في شرود كبير
لهيك الانسان حتى بالعبادات يلي مفروضة علينا لازم يكون مقتنع ومو بس انه شي تعود عليه
يعني متل ما بيقول المثل (كل شي عادة حتى العبادة )
ولحتى ما تكون العبادة عادة لازم نقتنع فيها من ناحية فكرية ودينية ومو من ناحية انه شي لازم نعمله وبس

سلااام

طبعا الي عودة ان شاء الله
ومشكورين عالموضوع المهم

ما في شك انو العبادة هي تسليم في البداية ومع الوقت بتصير أقتناع أكتر لكترة العوامل وأهمها النضج الفكري وكترة التساؤلات والتحاليل حول عباداتنا وواجباتنا الدينية , وحتى تصير أكتر اقتناع ,ضروري نتطلع عا عبادات وديانات الآخرين حتى نقدر نميز ونقارن بينن .بس أكيد صعب انو الواحد يكون عندو ديانة معينة ويقدر يعتنق ديانة تانية, بأستثناء السطحيين من الأشخاص يلي بيتحولو لديانات أخرى لمجرد لفت النظر او تغيير الروتين, من دون ما ياخد بعين الأعتبار تسليمو المبدأي لديانة أهلو وأجدادو..

وبالنسبة للأشكالات يلي كترت حول تصوير العبادة وجعلها البعض بمنزلة العبادة المعنوية يلي بصير فبها الأنسان يتكل بس عا النية وليس العمل والجهاد بعبادة الله,هيدي الأشكالات بتتوقف عا مدى ايمان واقتناع الشخص بعبادتو وعلى البيئة والتربية يلي نشأ فيها ومدى استعدادو للتقرب من الله وواجباتو تجاه عبادته
والأشخاص يلي بقولو اقنعوني قبل,بالواقع هول أشخاص بحبو انو بس يبينو حالن ويمشوا عا مبدأ خالف تعرف
لأن التقرب من الله وعبادتو ما بدها حدا يقنعنا فيها..هيدي بتكون بالفطرة وتدعم بالتربية وبتتوقف عا مدى استعدادنا وحبنا للتقرب من الله..

شكرا على الموضوع المهم
وعذرا على الأطالة

السلام عليكم
إذا كان الفقه لا ينسجم معي تفكيري ، فماذا أفعل؟

لاينسجم مع تفكيركِ؟من اي ناحية مو قتنعة من الحكم؟
اذا كان ما اقتنعتِ من الحكم الفقهي فأكيد انو الي شرح الحكم لم يجيد طرح فكرته لانو الدين الاسلامي قائم بكثير من الامور على العقل فهذا تعمليه تسليم اذا كنت حريصة لانو مو كل شئ الانسان بيدركه ولانو مهما بلغتِ لكِ قدرة محدودة

هلق بس بدي وضح شي
انا مو قصدي انه لازم اقتنع بالصلاة، هاد أمر لا نقاش فيه لانه هيي فرض
بس قصدي لازم الواحد بأي شي بياديه يكون مقتنع انه هاد الشي لمرضاة الله ويكون من قلب مؤمن وصادق
مو يكون مجرد شي عم يعمله هيك باعتباره امر مسلم به
انما الاعمال بالنيات
والنية كتير مهمة

بتمنى كون قدرت عبر عن فكرتي مزبوط
لانه حاسة فيها شي ما عم يكون واضح

سلام

السلام عليكم




غلط تكون العبادة كلها تسليم ,,, مستحيل الانسان يقوم بعمل صحيح وكامل 100% اذا ما كان مقتنع فيه ومن هون بننطلق لفكرة انو كلنا تربينا على انو العبادة تسليم بس اذا كل واحد مننا بيراقب حالو رح يلاحظ انو عبادتو ناقصة ومش كاملة ان كان من خلال الملاحظات على الصلاة وعلى الدعاء والاشياء الاخرى

بينما ازا كان هناك اقتناع كامل الانسان رح يقوم بالعبادات من باب الاقتناع انها مش شي واجب عليه انما من باب مصلحتو لانو بالنهاية الصلاة الها تاثير ايجابي على الانسان غير الحسنات وما شاكل والدعاء وغيره من الامور ,, بالتالي هون الانسان المقتنع بصلاتو رح يحرص عليها اكتر بكتير من الانسان المسلم بها لانو التسليم ينطلق من خلفية فكرة وقاعدة الكل مسلم بها انما الاقتناع يكون من خلال التأكد والبحث عن اصل الفكرة والعمل وبيكون في فكرة شاملة عن الموضوع كلو وبيصير يسعى للافضل كرمال يحسن علاقتو بالله عز وجل ,, يعني المقتنع انو صلاتو هي رابط بينه وبين الله عز وجل مش رح يوقف عند 5 فروض الواجبة ولا رح يوقف عند الادعية رح ينطلق من مبدأ انو العبادة هي الرابط بينه وبين الله عز وجل وهل المبدأ بينطبق على جميع امورو وتصرفاته


ومثال على انو غلط تكون العبادة من باب التسليم انو هلء بتشوفو ناس بتصلي وبتصوم وعادي بس بتلاقوها بتسرق او بتزني او اي شي ,,, مجرد ما صارت تسليم يعني خلص انا لازم صلي بس عم يصلي من دون اقتناع بالشي يلي عم يعملو عشان هيك سقطت كل المحرمات ومعش في ادراك انو صلاته التامة لازم تنهاه عن الفحشاء والمنكر هو بيصليها لانها واجبة وهو مسلم بهيدا الشي عكس الانسان المقتنع بضرورة الصلاة وانها بتنهى عن الفحشاء وبتقوي علاقتو مع الله عز وجل وهل الامور كلها هيدا الانسان المقتنع بصلاتو مستحيل يروح يسرق او يعمل اي شي حرام



بعتقد انو القناعة اهم بكثير من التسليم لانو القناعة بتقوي علاقتنا اكثر وهي باب للعبادة الغير محدودة والعبادة اللامتناهية مع الله عزوجل بينما التسليم هي ضمن افق محدود نتيجة اراء مبني عليها ومتفق عليها الانسان بيشتغل عليها لانو غيرو مشتغل عليها وهيدا كتير غلط


مش لازم نعرف انو الصلاة هي واجبة وانو هي علاقة بيننا وبين الله عز وجل لازم كمان نعرف الفرق بين الصلاة العادية والصلاة بخشوع واثر طول السجود اثناء الصلاة والتمعن وهل الاشيا كلها



مشكورة اختنا اشراقة على الموضوع الجدا مهم ويعطيكي الف عافية يا رب

موفقين ان شاء الله

فرسان النار كتب:

السلام عليكم
إذا كان الفقه لا ينسجم معي تفكيري ، فماذا أفعل؟

لاينسجم مع تفكيركِ؟من اي ناحية مو قتنعة من الحكم؟
اذا كان ما اقتنعتِ من الحكم الفقهي فأكيد انو الي شرح الحكم لم يجيد طرح فكرته لانو الدين الاسلامي قائم بكثير من الامور على العقل فهذا تعمليه تسليم اذا كنت حريصة لانو مو كل شئ الانسان بيدركه ولانو مهما بلغتِ لكِ قدرة محدودة

هون دور الاهل والتربية منذ الصغر ,, لازم من الاساس يكون في شغل على اقناع الولد باهمية الصلاة والدين والعبادة وشي طبيعي الولد يقتنع لانو كلها مبينة على حقائق منطقية وعلمية وقرانية والا الله عز وجل ما كان نزل الكتاب الحكيم وما كان دعم وعزز بشواهد واحدايث عن اهل البيت (ع)

طيب لح قلك رأيي
طبعا بعتقد رأيي حسين هو مشابه للرأي يلي عم قوله
نفس الفكرة يلي عم يحكيها
هلق انا بموضوع انما الاعمال بالنيات عم بحكي عن العبادة حصرا
وما لح بعد كتير لح اعطيكي مثل مرة كنا بجمعة مع رفقاتي ببيت رفيقتنا
ادن المغرب قامت وحدة بدها تصلي
ونحنا عم نحكي بموضوع بس خلصت صلاة قالت لوحدة كلامك مو مزبوط بهاد الموضوع لانه هيي وعم تصلي كانت ادنها معنا \وقامت للصلاة لأنها متعودة ما تروحها عليها ونيتها الاساسية انه شي بدي اعمله وتعودت عليه (هون ما بقصد احكي عن التسليم مشان ما تقوصوني انا عم احكي عن فكرة النية بالعبادة وعن مثل مو اكتر)

ما في خشوع وما في تركيز بالعبادة وتفكيرها معنا مع حكينا
لو هيي مقتنعة بالعبادة بشكل صحيح ومو خدة الموضوع انه هو تسليم وبس
ما كان شي خلها تتشتت أثناء عبادتها

طبعا مو الكل هيك انا بس عطيت مثل صغير وانا ما عم عمم أبداااااااااااااا

انا من كل الموضوع حابة قول شغلة إنه رب العالمين كرمنا بالعقل لنفكر فيه ونتفكر
بكل شي حوالينا
وموضوع انه نستخدم عقلنا حتى بالامور الدينية لنقتنع فيها هاد شي مو غلط متل ما بيفكروا البعض
لانه على فكرة مع التفكر والاقتناع الانسان بيتمسك بدينيه اكتر
وبالعبادات أكتر

ان شاء الله هالمرة كون وصلت الفكرة صح
لانه انا وعم اكتب بتكون براسي مليون فكرة عن الموضوع

ما بعرف اذا هلق انفهم قصدي ووضح واذا بتوافقيني الرأي هلق؟

في شئ خيتو بنت سورية راح عن فكرك وفكرنا جميعا انو نحن بشر وناس عاديين مو واصلين لدرجة كبيرة فنحن نعمل وفق للاجتهادنا واكيد بيكون في اخطاء او يعني ما بنعطي العمل حقه لانو هذا حد مدركات عقولنا يعني مابنتقنا ولازم الشيطان بيبعدك وبتسرحي ودليل انو هذا شئ عادي ماكان في شئ اسمه سجدة السهو
ولو حدا عمل مقارنة وكلامكِ هذا لازم تكوني مع ربكِ ومايكون مع حدا بيكون مع الاولياء الانبياء الائمة الاطهار وعذرا على الاطالة

بسم الله الرحمن الرحيم

وبالله نستعين

عندماا ننظر للإسلام فنحن ننظر إلا عقائد وفقه وأخلاق

عندما نتحدث عن العقيده وهي الموجه لعبادات الإنسان فيقسمها الدين إلا أقسام منها أصول الدين والتي يجب أن يعرفها المكلف بالأدله النصيه كما وبالإثباتات العقليه ويكون على قناعة تامة بها وهي ا توحيد الله والنبوه والإمامه والميعاد والحساب والجزاء
وفروع الدين والمسائل العقائديه الأخرى التي يجب على المكلف أن يسلم بها تسليما تاما وأن يأخذ بأقوال مجموع علمائنا ومراجعنا فيها وإذا تعرض في أحداها إلا شبهه وجب هنا أن يعرفها بأدلتها وأثباتاتها

وبما ان المكلف قد تعرف على أثبات وجود الله وكل البحوث المتعلقة بتوحيد الله كما وتعرف على بحث النبوة والإمامة والميعاد والحساب والجزاء بشكل كامل

فتسليما هنا يقوم بكافة بالعبادات الفقهية من منطلق أن الله من أمر بها ومن سيحاسب الناس عليها وبالتي فإما الجنة او النار

أما الإقتناع بهذه العبادات فيتطلب مراحل متقدمه من الدراسات الحوزوية

للإطلاع على فلسفة بعض الإعتقادات

وقد يكون من المشجعات والمحفزات على أداء العبادات بشيئا من القناعة وليست كل القناعة هو قراءة مايكتبه علمائنا الأفاضل في فلسفة العبادات


وأريد أن أسترسل في أن العباده تسليم أم اقتناع ؟؟؟

لكي أقول أنه ليس من الممكن ان يكون أحدا من البشر الغير معصومين لديه أقتناع تام بالعبادات وإلا لم تصدر منهم الذنوب والمعاصي وهذا مايجمع عليه العقلاء لأن العاقل عندما يعلم تمام العلم عن شيئا ما بأنه فاسد أو مفسد فأنه يبتعد عنه تماما كما يبتعد الإنسان العاقل عن الإقتراب من النار أو اللهو بها
وهذا حال المعصومين في العبادات فلقناعتهم التامة بأن كل مااوجبة الله سبحانه في منفعة دنيوية قبل المنفعه الأخروية وان كل ماحرمه الله تعالى فيه مضرة دنيوية قبل المضرة في الأخره فقد أقلعوا عن المعاصي باختيار منهم لاأجبار من الله تعالى كما يعتقد البعض

أذا العباده من ناحية العبادة الفقهيه هي تميل إلا تسليم لدى الأناس العادين