بمشوار الحياة اتقابلو
افكار عطول الدرب تشاركو
هي تشكيلو هما
هو بالسر محرمتا يشما
و كل ما تزيد فيه ثقتها
كل ما تزيد بقلبو محبتها
ويا ويلي شو كفكف دمعتا
وكل ما الدنيا عليها عصيت
كل ما عندو بكيت
و اجى يوم هالصبية حبيت
وعغير عادتها عرفيقها خبيت
و بمشاكل الحب و الاسى غرقت
\"يارفيقة شو يلي غيرك؟
وعن دربي بعدك؟\"
\"مافي شي\" بكل برود ردت
من خوفو اتضيع من ايدو
شد عقلبو و صارحها بحبو
بكيت غصيت رجفت
يا رفيق انا بحب..وما بحب
و حالة قلبها ما قدرت شرحت
الدنيا كلها فيه داقت
وعيونو بالدمع غرقت
\"يا رفيقة عمري
رح ابعد عن دربك ..
رح انسى قلبي عندك
واتمنى الحب يغمر قلبك \"\"
\"ما تتركني\"..صرخت
و تا ما يبعد عن دربها
رفيق حيرتا
ضاعت و رفييقها ضييعت
وبيوم قررت تنهي حيرتها
وبايدها تكسر رفقتها
بعدت .. طارت ..هربت
بس غصتها بالقلب كبرت
رجعت ..لقت خيال صورتو
وبالعين نشفت دمعتو
\"شو يلي رجعك؟\"
\"خليني حدك ..رفيقة او شو ما بدك\"
البسمة نورت عيونو
\" يا طيري ..بالقلب رح يبقى مطرحك\"
ومتل شي طفلة صغيرة
حدو غفيت
وا سرار القلب كلها حكيت
هديت ..فرحت
ولاول مرة بالامان حست
و فوق الغيوم وصلت
بس...
رجع الشك لقلبو
و نار الغيرة عميتو
ومتل شي اعصار حاصرا بحبو
غصت ..بكيت
خافت ..هربت
و ياويل قلبها شو بكيت
\"عم تبعدي عني؟
عم تهربي مني؟
شو خوفك مني؟
بعدي ..طيري
يا هبلة ..
انا لملمت قلبك بايدي
مسحت دموعك بحنية..
بعدي .. ما تقربي مني
روحي ..لعند الي اخدك مني\"
بكيت ..
\"يا رفيق
شوف عيوني عكتر ما بكيت
كيف ملت مني\"
\" كسرت قلبي
شو بيفدني ان جافى النوم عيونك
وانحرمت الاكل بجنونك
بعدي ما تفكري بيوم تقربي مني\"
وهو...
كرامتو وجعتو
وبالقلب نكر محبتو
وبكل برود صدا بقسوتو
و لرفاقهن قال هي لحقتو
نسي شو حب...و كيف حب!!!
\" يا رفيق
كسرت قلبك مرة..
كسرت فلبي الف مرة
خبرت الكل بسراري.. وخربطت افكاري
وبعد عن دربك مشواري
البي بحب ما بيفشي سرار حبيبو
و لو كان عليا معلق مصيرو\"
.. بعدت
زعلت
غصت
كرهت غضبت صرخت بكيت هديت
وما قدرت رفيقها بيوم كرهت
\"يارفيق رح ابعد عن دربك
وادعيلك الحب يغمر قلبك
واترك حساب قلبي بايد ربك
الرئيسية 
أحدث الصور 
التسجيل 
موضوع: صبية وصبي .. ! 
السبت أغسطس 29, 2009 4:45 am
