قصيدة في ذكرى هدم قبور ائمة البقيع عليهم السلام
******************
الليله آل سعود حكمت جورها ** وهـدمت من آل الرسول گبورها
الليله هدم قبور ائمة للرشاد ** الحسن والباقرقبر زين العباد
وجعفر الصادق لسان أهل الرشاد ** هذي أهل بيت الرساله ونورها
قبور إبراهيـــم إبن طه الأمين ** وقبر فاطم ا ُم أمير المؤمنين
وقبررمز الوفه ذيچ ا ُم البنين ** وقبر مرضعة النبي من نزورها
ومسجد الزهــره وقبر حمزه إنهدم ** ولقبر آمنه اُم ســيد الا ُمم
وبعض زوجات النبي ومنهم علم ** ذيچ معروفه بـ بذلها ودروها
ذيچ ا ُم المؤمنين اللي ساعدت ** ودعمت الاسلام أبد ماقــّصرت
بكل الأموال لرسول الله بذلت ** حي خديجه الطاهره ا ُم نورها
ـ
نورها الزهراء ا ُم تسعة أنوار ** سبل خير ومعدن الله والأسرار
لهالسبب تنهدم آثار الاطهار ** حيث تكشف جرم كل مستورها
ـ
السبب هدم قبورها لا مو بدع ** السبب هالآثار والبيها أضطجع
يخلف الهادي برساله والشرع ** وهذي تكشف زيفها وكل زورها
ـ
هذي دعوة تكشف الزيف الجره ** بالسقيفه ومن تشاهدها الوره
تسأل الياسبب موت الطاهره ** ومنهو آذاها وهتك لستورها
وشنهو هذا الأثر من بيت الأحزان ** يعيد صرخات الحزن ويه الزمان
تچي تگول إهنا أثر ذل وهوان ** لفاطمه وصار البچي محذورها
ـ
ومن تچي تسأل على قبر الحسن ** بياسبب مات ومنو راس الفتن
إبن أبو سفيان سّـمه وإمتحن ** وينفضح بعده الإجت بدورها
ـ
ينفضح مروان وســهام الدجل ** الصوبوها لنعش إبن خير العمل
وينكشف دور الرذيله ا ُم الجمل ** المنعته دفن النبي وبشورها
تنكشف هاي الحقائق بالقبور ** من تجي الشيعه وعليها من تدور
تكشف الأدوار وتكشف الستور** وتنكشف أهل الرذيله قصورها
هالسبب عادت بحملات الهدم ** يهود نجد من السعوديه بحزم
لچن ماتدري يظل بيت العلم ** من أهل بيت المصطفه يشع نورها
ويل آل سعود ماتقــره الزمن ** من أبو ســفيانها لحيــدرلعــن
صاح صوت الحق إلك يابا الحسن ** تبقه معنه للعداله وسورها
ذيچ صرخات الزمن تلعن يزيد ** وهذا نفس الدور والواقع يعيد
دور آل سعود أشرار العبيد ** وتظل وصمة عار هدم قبورها
ـ
تظل وصمة عار ياعار الاسلام ** وسفه تستولون عالبيت الحرام
يوم الكم بيه بظهور الامام ** ويصلب لغاصب الخلافه وزورها
ذاك يوم اليظهر المهدي ويعيد ** كل إرث مغصوب من شـّـر العبيد
وفجــرهذا اليوم ماهو بالبعيــد ** وبيعتــه بالكعبه يم ســتورها
ـ
ذاك يوم جهنم وياخذ الثار ** ويبدي بالثارات بالهتكت أســـتار
بيت جــّده المصطفه وشــّبت النار ** والبعدها وإجت لعبت دورها
ـ
وبعد يصرخ ياخذ بثار الجنين ** السگط عالعتبه من أثر ضربة لعين
وياخذ بثار الرضيع إبن الحسين ** والســــبوها بعد ذيچ خدورها
ـ
يمته تنهض سيدي مّــل الصبر ** ذبحوا بالشيعه الأعراب أهل الغدر
بعد ياجرح وعليمن تنتظــر ** ضاگت الشيعه عليك صدورها
ـ
يعيّــرونه بغيبتك يبن الحسن ** تدري جار الدهر وأعراب الفتن
ويه الدهر صّـفت علينه وهالمحن ** ماكو غيرك نرتجي ياسورها
منقووول
لا تنسونا من الدعاء
الرئيسية 
أحدث الصور 
التسجيل 
موضوع: قصيدة في ذكرى الجور والطغيان.. 
الجمعة سبتمبر 17, 2010 3:36 am
