حـكــايـــه وطـــن...

كان فيه وطن عالخريطة

إسمو فلسطين

أبوي وابوك واجدادنا

كانوا فيه عايشين

بين كرومو وبيّاراتو

وبين البساتين

يا محلا ريحة ترابو

ويا محلا ريحة الطين

هذي اللد وهذي يافا

وهاي الرملة وهذي حيفا

أولها من عند النهر

وآخرها لرمل البحر

ومهما يقولوا الأعادي

بتظل بلادي في فؤادي

ميزان العدالة اختل

صاحب الأرض صار محتل

ما في رحمة في القلوب

كل شي صار بالشقلوب

صرتوا تنادوا بالسلام

وما أشطركُم بالكلام

سلامكم إسمه استسلام

ما بتقبلوا حتى الأغنام

ومهما بتعملوا من أفلام

بتظلوا دايما أقزام

إعطوا شعوبكم حريتها

واتركوها تقول كلمتها

من غير بطش ولا تهديد

ولا تكبيل بالحديد

وبصراحة رح تعلنها

إنكم إنتو سبب نكبتها

وما رح ترجع إلنا حقوقنا

طول مانتوا شوكة في حلوقنا

وبكرة هالشوكة بنخلعها

وكل حقوقنا بنرجّعها

وبكلمة " حيّ على الجهاد "

رح تتحرر كل البلاد