زينب أخضر .. تحت المجهر

السلام عليكم ورحمة الله وبركاته

طبعا باعتبار كان في نفس النسبة لكل من الاخ ابو حميد والاخت زينب بالتصويت الماضي على عضو تحت المجهر
فالهمرة تم اختيار الاخت زينب فورا وبدون تصويت واكيد الكل حابب تكون زينب معنا
لانها عنجد كتير اخت مميزة بمشاركاتها وافكارها واسلوبها بالنقاش
وبالنسبة الي انبسطت انه هيي العضو التحت المجهر هالمرة

اهلا وسهلا بالاخت زينب معنا بالموضوع لمدة 6 ايام لتجاوب عن اسئلتنا

سلام

انا لح بلش فورا بالاسئلة

1- ليش اختيرتي مهنة التمريض بالذات؟؟

2- شو الموقف يلي صار معك اثناء عملك وأثر فيكي كتير؟

3- حلمك الحالي شو هو؟؟

4- شو هيي مواصفات شريك حياتك ؟؟

5- شو المهنة يلي كنت بتحبي تمارسيها لو ما دخلتي تمريض؟؟


سلام

شكرا الك بنت سورية عا المقدمة الحلوة

1- ليش اختيرتي مهنة التمريض بالذات؟؟

أخترتا بالصدفة وبصراحة أكتر كنت حابة خلص دراسة بكير وبلش شغل ومهنة التمريض هيي أكتر مهنة ممكن تلاقي فيها شغل وبوقت كتير قصير
بس بعدين لما فتت بالمهنة أكتر وشفت الناس بمختلف طباعن وتعرفت عا مصايبن,حسيت أدي كنت بعيدة عن الناس .والحمدلله من بعد 3 سنين شغل حسيت انو قدمتلي كتير عا المستوى الأجتماعي..

2- شو الموقف يلي صار معك اثناء عملك وأثر فيكي كتير؟

أكتر موقف بكاني ومن قلبي هوي
مرة كنت يوم عيد الفطر عا الدوام وجابوا واحد واقع عن طابق الخامس المهم انو توفى..وللصدفة الغريبة كنت بتاني سنة كمان عا الدوام وجابوا خيو للي توفى السنة يلي قبلها وكمان ضاربتو سيارة,بعدين توفى..
الموقف يلي بكاني هو ردة فعل الأم هيي وعم تبكي وتقول لأبنها التالت***جهز حالك السنة لي جايي ..دورك**

3- حلمك الحالي شو هو؟؟

أنو أترك شغلي الحالي بس بالمقابل كون بشغل بنفس الهدف وهو مساعدة الناس قد ما فيي.بس الفرق انو السترس يكون أقل



4- شو هيي مواصفات شريك حياتك ؟؟

يكون صريح وصادق
وأجتماعي وخلوق ومحترم

5- شو المهنة يلي كنت بتحبي تمارسيها لو ما دخلتي تمريض؟؟

الأعلام

كمان عندي أسئلة

1- اديش عمرك ؟؟ لانه لهلق ما بعرفه

2- بتحبي الاعلام كتير ،شو البرنامج يلي بتفكري تعمليه بهاد المجال؟؟؟

3- لو كنتي بتقدري تلغي 5 محطات من الاعلام العربي،شو هنن ؟

4- شو اكتر شي بيخليكي تضلي بالمنتدى؟؟

5- اكتر الاعضاء قربا الك بالمنتدى؟

بنت سورية كتب:

كمان عندي أسئلة

1- اديش عمرك ؟؟ لانه لهلق ما بعرفه

24

2- بتحبي الاعلام كتير ،شو البرنامج يلي بتفكري تعمليه بهاد المجال؟؟؟

انو سلط الضو عا كتير من المشاكل يلي بتواجه الناس,ويلي ما عم تنحل الا بالوسايط يلي دارجة عنا بلبنان كتير!!

3- لو كنتي بتقدري تلغي 5 محطات من الاعلام العربي،شو هنن ؟

العربية
المستقبل
mbc
LBc

4- شو اكتر شي بيخليكي تضلي بالمنتدى؟؟

وجود بعض الأعضاء يلي تعودت عا وجودن المتميز ومواضيعن الحلوة
وكمان حتى نكمل يلي بلشنا بالمنتدى السابق وأثبت انو نحنا بعدنا مكملين وشو ما كانت الظروف يلي صارت..

5- اكتر الاعضاء قربا الك بالمنتدى؟

من جهة الأنسجام بالأفكار والأسلوب: أتيرنيتي ,بنت سورية,جبل الثوار (مع أنو صرلنا زمان ما شفنا وكنا عا شوي كنا ح ننسا):P وكمان فاطمة زهراء

مشكورة زينب عالاجابات
وبالنسبة للاخ جبل الثوار
وعدنا يرجع عالمنتدى متل اول ان شاء الله

شكرا الك عا الأسئلة الحلوة..دايما في عندك أسئلة متجددة

سلام ..

كيفك اختي زينب؟؟

اسألتي إلك هي الآتي ..

1- ما هو مفهومكِ للحياة؟

2- شو هي امنيتك بالحياة؟

3- كيف تتعاملين مع المشاكل التي تواجهك؟

هذا ما عندي الآن لكن لي عودة ان شاء الله ..

تحياتي ..




.

[quote="إشراقة الغد"]سلام ..

كيفك اختي زينب؟؟

الحمدلله ونشالله انت كمان تكوني منيحة

اسألتي إلك هي الآتي ..

1- ما هو مفهومكِ للحياة؟


الحياة بالنسبة الي هيي حياة وآخرة يعني الآخرة هي جزء لا يتجزأ من الحياة....يعني ما لازم كتيير نتمسك بها والعمل بقول الأمام علي (ع)
اعمل لدنياك كأنك تعيش أبدا وأعمل لآخرتك كأنك تموت غدا..

2- شو هي امنيتك بالحياة؟

أنو ما أعصي ربي ويثبت قلبي على دينه
وأشعر بالأستقرار والسلام الداخلي دايما..3-


كيف تتعاملين مع المشاكل التي تواجهك؟


حسب المشكلة وأدي هيي كبيرة أو صغيرة
أول شي قد ما فيي ما بحاول كبرها ودايما بحط ببالي انو في حل الها
وأهم شي أنو أتكل على الله في أعانتي على حلها..


شكرا حبيبتي على الأسئلة..

مسا الخير زينب كيفك
كما عندي مجموعة أسئلة

1- لو كنت قادرة هلق تغييري شي بحياتك شو هو الشي يلي بتغيريه بكل صراحة ؟؟

2- مين هو الشخص يلي قدملك كتير بحياتك وكان بالنسبة الك مصدر امان وراحة؟؟

3- لو طلب منك تكتبي كتابي عن شخصية (سياسية او دينية او تاريخية طبعا غير جماعة الحزب او الأئمة عليهم السلام) عن مين بتكتبي وليش ؟؟

4- لو كنت قادرة بدعاء تفيدي وحدة من الحالات اي حالة بتختاري وليش
شفاء طفل مريض بمرض خطير- اعطاء علاج لزوجين ما بيجيبوا ولاد - إعادة البصر لاعمى - مساعدة مشلول بالقدرة على المشي..
طبعا اكيد لح تتمني الشفاء للكل بس عندك دعاء واحد لمين بتعطيه من بين هالحالات؟؟

5- بحياتك بالتمريض كل يوم بتشوفي حالة أصعب من التانية هل خلى هاد الشي
يقوى قلبك وتصير تتحملي اي شي بتشوفيه وتكون دموعك مو سخية ابدا
او انه بالعكس صرت تزعلي اكتر وتبكي على اي شي تاثرا بالشي يلي بتشوفيه بالمشفى ؟؟


هي اسئلتي ان شاء الله ما كون كترتهم

1. شو أكتر موقف خلاكي تضحكي؟

2. شو يلي بتحبي تسويه بحياتك ويكون ناجح؟

3. شو أكتر موقف بحياتك أنصدمتي منه؟

وبس

يسعد مساك خيتو زينب ..

بدي اسألك ..

1- ما مفهومك للصداقة؟ وفي يوم خانتك احدى صديقاتكِ؟

2- من هو العضو الذي تريدين التعرف عليه اكثر واكثر؟

3- لو كانت حاكمة بلدكِِِ فماذا ستتخذين من قرارات؟

4- ما مفهومك لحرية المرأة؟ وهل نحن نمتلكها؟

5- ما هو البلد الذي تريدي زيارته، ولماذا؟

6- ما هي هواياتكِ؟

كثرت عليكِ بالأسئلة ..

تحياتي ..



.

بنت سورية كتب:

مسا الخير زينب كيفك
الحمدلله نشالله انت كمان
كما عندي مجموعة أسئلة


1- لو كنت قادرة هلق تغييري شي بحياتك شو هو الشي يلي بتغيريه بكل صراحة ؟؟

أترك شغلي ..

2- مين هو الشخص يلي قدملك كتير بحياتك وكان بالنسبة الك مصدر امان وراحة؟؟


أكيد أهلي .

3- لو طلب منك تكتبي كتابي عن شخصية (سياسية او دينية او تاريخية طبعا غير جماعة الحزب او الأئمة عليهم السلام) عن مين بتكتبي وليش ؟؟


غاندي.. ما بعرف ليه أجا ببالي! بس ما في شك لأن قدم كتيير تضحيات كرمال شعب بلده باستخدام وسائل سلمية وبعيدة عن العنف من أجل الحرية


4- لو كنت قادرة بدعاء تفيدي وحدة من الحالات اي حالة بتختاري وليش
شفاء طفل مريض بمرض خطير- اعطاء علاج لزوجين ما بيجيبوا ولاد - إعادة البصر لاعمى - مساعدة مشلول بالقدرة على المشي..
طبعا اكيد لح تتمني الشفاء للكل بس عندك دعاء واحد لمين بتعطيه من بين هالحالات؟؟


أعطاء علاج لزوجين ما بجيبوا ولاد
...لأن هون السعادة حتكون لأكتر من شخص وما في أحلى من أنو المرأة تحس بأحساس الأمومة وأيضا أحساس الرجل بأحساس الأبوة
بالأضافة حلو انو السعادة تشمل أكتر من شخص..



5- بحياتك بالتمريض كل يوم بتشوفي حالة أصعب من التانية هل خلى هاد الشي
يقوى قلبك وتصير تتحملي اي شي بتشوفيه وتكون دموعك مو سخية ابدا
او انه بالعكس صرت تزعلي اكتر وتبكي على اي شي تاثرا بالشي يلي بتشوفيه بالمشفى ؟؟


لا والله تضاعفت قدرتي عا التحمل وصرت ما كبر الأشيا أكتر ,,صارت دمعتي كتير عزيزة بأستثناء الحالات الكتير مؤثرة بالنهاية بنضل بشر وعنا أحاسيس وقلب...وهيدي عم عاني منا مع أهلي خاصة أوقاتبحس انو بفكروني ما بهتم وما عندي عواطف و بلوم حالي ,بس الحمدلله هني متفهمين طبيعة شغلي..



هي اسئلتي ان شاء الله ما كون كترتهم

لأ حلوين وبمحلن

سلااااام

كيفك زينب .. والله منووورة ..

رح بلش بالاسئلة دغري ..

1 ـ لو فيكي تمحي شي بحياتك ــ شو او مين بتحمي وليش ؟؟

2 ـ ازا زوجك بالمستقبل عايش برا لبنان ـ بتقبلي تتركي بلدك وتسكني ببلد زوجك ؟

3 ـ كم ولد حابي يكون عندك .؟ وشو اساميهن ؟

4 ـ حدا من عائلتك بيشترك معنا بالمنتدى ؟

5 ـ ليش ما اخترتي تسجلي بأسم مستعار؟

6 ـ شو احلى صفة بشخصيتك ؟ ـ وشو الصفة لي برأيك بشعة ؟؟


وبس لهلاء ان شاء الله ما يكونوا تقال عليكي .. !!

سلام من جديد

1- كيف كنتي بطفولتك ؟؟؟؟

2- موضوع سماع الاغاني شو رأيك فيه ؟

3- شو هي نقطة ضعفك ؟

4- حصل شي مرة ورسبتي بمادة او مرحلة دراسية ؟؟

5- عددي اسماء 8 اعضاء وعطيهم صفات مناسبة لشخصياتهم

6- بهي اللحظة وانتي عم تجاوبي بشو عم تفكري؟

بنت سورية كتب:

سلام من جديد

هلا فيكي من جديد

1- كيف كنتي بطفولتك ؟؟؟؟

كنت رايقة كتيير ومحتالة كمان

2- موضوع سماع الاغاني شو رأيك فيه ؟

ضد لأن بكل بساطة ما بتفيدني بشي ,,بفضل انو اسمع موسيقى كلاسيكية رايقة عا انو اسمع أغنية ما الها معنى

3- شو هي نقطة ضعفك ؟

سهلة الأستفزاز 4-


حصل شي مرة ورسبتي بمادة او مرحلة دراسية ؟؟


بمادة أكييد بس بمرحلة دراسية لأ
غيرت أختصاصي بس ما رسبت ..كنت عم بدرس Bio chemistry
وبعدين غيرت أختصاصي للتمريض


5- عددي اسماء 8 اعضاء وعطيهم صفات مناسبة لشخصياتهم



فاطمة زهراء: أجتماعية ومهضومة
أتيرنيتي: جريئة
بنت سورية:محبوبة وذكية
حسين: شخصية قوية
جبل الثوار: صريح
فتى الضاحية :غامض
مونتي:بريئة
أشراقة الغد: واثقة من حالها

6- بهي اللحظة وانتي عم تجاوبي بشو عم تفكري؟

ما في شي غير أنو كنت فكر بالأجابات..

شوفي هون؟

شو عم تعملو ؟؟



ماشي بس حبيت اتزانخ


ما عارفة شو اسألك

ممممممممممممم

رحتي على معرض أرضي؟

اذا اي شو اشتريتي

و كيف تقييمك للمعرض, يعني كيف حسيتي التنظيم و البضاعة.



شكرا

يعني اتيرنتي حتى لما بدك تشاركي وتسألي عن شي بيكون عن الاكل

رحتي على معرض أرضي؟

ايه مبارح رحت

اذا اي شو اشتريتي

مكدوس ومربى الباتنجان وكسرت قنينة ماء الورد بس مش بقصدي والله

و كيف تقييمك للمعرض, يعني كيف حسيتي التنظيم و البضاعة.


جيد جدا..الفكرة كتير حلوة وخاصة أنو في ناس من مختلف الأحزا ب مشاركين في وأكتر عجبتني الطحونة الكبيرة يلي بالنص



شكرا[/quote]
شكرا الك عا السؤال المميز

كسرتي قنينة ماء ورد


عرفنا هلق مين كان مصدر الشغب مبارح بالمعرض

بنت سورية كتب:

كسرتي قنينة ماء ورد


عرفنا هلق مين كان مصدر الشغب مبارح بالمعرض

كنت رايحة فجر المعرض ..بس يلا انكسر الشر