إسبانيا تمضي قدماً وتبلغ ربع النهائي

بلغت إسبانيا الدور ربع النهائي بفوزها الصعب على البرتغال 1-0 في المباراة التي جرت على ملعب "غرين بوينت" في كيب تاون في إطار دور الستة عشر لكأس العالم لكرة القدم 2010 الجارية حالياً في جنوب أفريقيا.

سجل الهدف الوحيد دافيد فيا في الدقيقة 63 رافعاً رصيده إلى أربعة في المونديال. وشهد اللقاء طرد الظهير الأيمن البرتغالي ريكاردو كوستا في الدقيقة 89.

وستلعب إسبانيا في الدور المقبل مع باراغواي التي أخرجت اليابان في لقاء سابق بركلات الترجيح بعد التعادل السلبي في الوقتين الأصلي والإضافي.

مبروك لبنت سورية ولقاسم هذا الفوز الذي جاء بالصدفة ضربت حظ Laughing

وعقبال ما تاخذوا الكأس بضربت حظ ولكن يستحيل لانو بتلعبوا مع البرازيل في النهائي وبتغلبكم البرازيل

نشالله بدنا نلعب بالبرازيل بدل الطابة Laughing

مبرووووووك ..
تسلم خيي عالموضوع

ايه هيك لانكم مابتقدروا تتغلبوا عليهم بدكم تضبوهم

الغول واضح اوف سايد,, من قبل الاعادة واضحة اوف سايد

هيدا المونديال صار مسخرة ,, اغلاط كارثية بالمباريات الحساسة ,, انكلترا ,, مكسيك ,, ايطاليا,, برتغال وغيرها من الاغلاط
شي مخيب للامال صراحة

بعتقد الاداء الفاشل بالمونديال على المستوى التحكيمي او الفني للاعبين سببو ثقافة التخلف (الفوفوزيلا) يلي بتفقد العقل تركيزه ,, كيف الحكم او اللاعب بدو يركز عينو على 22 لاعب وعلى الطابة وفي اداة بهل القدر من الازعاج ,, يعني نحنا ورا الشاشة وما عم نتحمل الصوت كيف يلي جوا الملعب

شي طبيعي يكون في اغلاط كارثية بالملعب اذا في سلاح دمار شامل متل ها ,,, لازم يعملو حرب شاملة على جنوب افريقيا بعد المونديال لانو عنجد هل الشي يلي معن اكبر خطر على البشرية بالوقت الحالي

لحد هلء ما في اي مباراة كانت بمستوى مباراة العهد والنجمة باخر الموسم الكروي اللبناني tikseer

مونديال مادي بامتياز والفيفا اكبر مستفيد ,, لازم يشوطو جوزيف بلاتر ويحطو محلو بيليه او شي حدا من هل اللعيبة يلي بيهمهن الاداء مش المصاري

حل عنا ياه cool

خيي شو بيك مقهور

اكيد مش زعلان عشان اسبانيا تأهلت

اكيد انت مقهور عشان عم انتقد ثقافة الفوفوزيلا يلي انت اكبر داعميها

هاي اذا ما كنت انت يلي مخترعها

يا لطيف شو مزعج

What a Face

ما بدي قول شي هلئ بس بكرا فرجيني شو بدك تعمل
بماتش المانيا والارجنتين و ازا ربحت المانيا انا اكيد انو
ما عش رح تجيب سيرة الفوفوزيلا Laughing

ههههه شو جايني من الالمان ,, اي ان شاء الله بياخدو كأس العالم وكأس اوروبا وكأس القارات كمان ,, شو صار يعني ,, رح يجيبولي بيت ؟ سيارة ؟ يعلمو ولادي ؟

مش رح ازعل اذا خسر فريق ولا ربح فريق ,, الواحد بيشجع عن عقلانية مش بيحمل الفوفوزيلا وبيصرع فيها الناس What a Face

ما حدا حاملا غيرك و عم يعمل ضجّة Razz

المهم ربحنا
والغول حلو
وبلا تعليق اي Laughing

مشرفنا العزيز حسين بدك تعذرهم لانهم اذا مافرحوا الحين مابفرحوا بعدين مو كل بطولة هم بسجلوا من تسلل ههه هالمرة بدنا نسامحهم Laughing

خليك برا انت والطليان تبعولك Laughing

ههههههههههههههههههههههههه
هاردلك فرساااان الناااار

كمان طلعوا البرازيل ههههههههه

هههههههههههههههههههههههههههههههه نحنا مابدنا البطولة السنة هذه اقصد البرازيل لانو عندنا خمس نجوم ومابدنا نحلق بعيدا عن باقي المنتخبات مشان اذا صارت بطولة اخرى بعد اربع سنيين مايقولوا انو الامر محسوم مشان يبقى تنافس بين الدول Laughing

بالنسبة لل 4-0

والارجنيتن

وميسي

وماردونا

Cool

لا يا زلمي الفوفوزيلا كتير كانت مزعجة .. يعني صفر الحكم اوف سايد شي 3 4 مرات ما كنا نسمعوا
او انا غلطان Laughing

ايا ماطش كنت عم تحضر بالزبط

؟

العهد والصفا .. ليش انت وين كنت حاطت
.. ؟

شكرا لك أخي

» بلوغ إسبانيا النصف النهائي .
» إسبانيا بطلة لكأس العالم للمرة الأولى
» إسبانيا تكمل المربع الذهبي بهدف "بلياردو" بمرمى باراغواي
» موراي ودافيدنكو يودّعان دورة دبي وديوكوفيتش يبلغ الدور ربع النهائي