"في بيتنا قنبلة موقوتة"

من الطبيعي انو الكل يمر بهيدي الفترة,,بس بيختلف بين شخص وآخر,,وكمان بيئة وبيئة أخرى كيفية قضائها , ان كان بهدوء أو تمرد ...يعني لما بيتربى الشخص بأسرة بتعرف كيف تتعامل مع أفراد أسرتها بكل مرحلة بمر فيها,,ممكن انو تخف الضغوطات وخاصة النفسية منها على الفرد ,وبيحرر من كل القيود يلي بترافق المراهق ..اذا ما لازم يكون في قيود تحد من حريتو بل يكون في توعية وأرشاد بطريقة صحيحة وراقية بعيدة عن التعصب مما يجنب المراهق أي تمرد وردات فعل غير محببة..,بالمبدأما لازم نعتبر المراهق ,قنبلة موقوتة, انما هو شخص عم يتغير فيزيولوجيا وسيكولوجيا ,بفعل شي طبيعي مش استثنائي,,ونتعامل معو عا هيدا الأساس حتى يقدر يتخطى المرحلة بتجارب ودروس مفيدة

وأكتر شي ممكن نتعلمو انو كل ما كانوا الأهل واعيين ومتفهمين ,,كل ما كانت مرحلة المراهقة أقصر وأسهل عا المراهق

السلام عليكم


حلو التعبير ,,


مرحلة المراهقة هي مرحلة الوعي والانفتاح عند الانسان والمشلكة انو بهل المرحلة بيوعى على الامور السلبية اكتر من الامور الايجابية وبيصير عندو ميول الها وممكن يتعلق بالحياة من خلال هل الامور ,, هون بيجي دور الاهل من خلال تأسيس اسس تسمح له بادراك ان كل ما هو ممتع بنظره هو فعلا مضر له وقد يكون ذلك من خلال استباق عمر المراهقة اي العمل على توعيته قبل سن المراهقة وذلك ليصبح جاهزا لتخطي هذه المرحلة قبل الوصول اليها او على الاقل ان يعرف ماذا ينتظره في هذه المرحلة ليتخطاها بما تعلمه من اهله سابقا


مشكورين على الموضوع

يعطيكم العافية

موضوع حلو..
من خلال تجربتي .. هالمرحلة التعامل معها لازم يتفاوت بين اللين والقسوة يعني بدون إفراط
أيضا المراهق عادة يلجأ للخارج وهذا شي خطر لأن في ها لمرحلة يمكن يتجه للخطأ وأصحاب السوء لذا الواجب على الأهل انهم يتفهموه.. يبينوا له حبهم وحنانهم ويحاولوا يتقربوا منه ويبينوا له اهتمامهم باهتماماته ويسمعوا له

شكرا ع الموضوع
في حفظ الله

لح احكي عن تجربتي لاشراقة الغد مشان ما تقول ما حدا عم يحكي
بفترة المواهقة كنت حس حالي واعية اكتر من رفقاتي لانه كنت ما خبي شي عن اهلي يمكن لانه امي كان الها اسلوب حلو بالتعامل معنا وبتربيتنا وخصوصا بهي المرحلة
وعرفت مدى خطورتها لهيك عاملتنا كرفقة
بس رفقة حدا ضابط التاني وتستخدم سلطة الام بالوقت المناسب ولهيك كنت مرات احتفظ باسرار الي وقولهم لرفقاتي يلي كانوا هنن كمان عندهم اسرار متلي
هلق بس فكر فيهم بحسهم كتير بريئين وما فيهم شي بس نحنا وصغار منحب نعمل من الشغلات العادية اسرار!!!
بهي المرحلة حسيت حالي على الرغم من هاد الشي واسلوب امي الخاص بالتعامل بعيدة عن اهلي كتير وحسيت حالي عندي عالم خاص فيني وكنت كتيرر اعجب بالشخصيات الكبار يمكن لانه بهي الفترة كنت حس حالي محرومة من حنان الأب
وكنت طبعا كتيررررررر اعجب بشخصيات بتطلع عالتلفزيون متل مذيعين ومرة جبت صور لجورج قرداحي اول ما طلع كنت معجبة فيه ههههههههههههههههه
هي باخر المراهقة وبعدين من لما دخلت الجامعة حسيت بالوعي والفرق وصرت حس حالي اقرب لامي واخواتي وصاروا هنن بير اسراري والاشخاص يلي بلجالهم وبستشيرهم بكل شي

هلق بالنسبة للنصائح في شي بدي قوله وهو شي كنت انصح فيه كل رفقاتي
انه خلوا امكم هيي رفيقة الكم وحاولوا تكونوا قراب لانه عنجد هالمرحلة عندي والحمد لله ما كانت خطيرة وكانت بريئة كتيررر
لانه كان في توجيه وصحيح كان عندي اسرار بس هي اسرار صغيرة كتيرر ومن حق كل بنت تكون عندها هيك اسرار لتحس شوي بخصوصيتها

بس كمان بدي ضيف شي انه في شي خطير بيواجهه المراهقين هلق وما كان على وقتي
هو الانترنت يلي ممكن كتير من المراهقين يلجأوا اله ليعيشوا هالمرحلة وبكتير من الاوقات عم يوقعوا باغلاط ويتورطوا بقصص ويتعرفوا على رفاق السوء من خلاله

طبعا بهاد الموضوع النصحية بتكون للاهل انه يكون في رقابة على الانترنت ومراقبة للوقت يلي عم يقضيه المراهق عالنت وشو هي المواقع يلي عم يزورها

اسفة عالاطالة
بس حبيت احكيلك عن مراهقتي بسرعة متل ما طلبتي

سلام