موضوع جاد للنقاش .. العنف ضد المرأة

السلام عليكم ورحمة الله وبركاته

موضوع اثار اهتمامي بعد حادثة حدثت منذ فترة وسمعت بها وأثرت فيني وطبعا هو من واقعنا الاجتماعي اليومي المعاش مع انه موضوع دائما يناقش فيه الا انه بكل مرة في قصة جديدة وحكاية بتخلينا نوقف عنده شوي ونفكر ونتناقش فيه

العنف ضد المرأة الذي تتعرض له العديد من النساء في كل انحاء العالم
هذا العنف الذي تتلقاه الزوجة من زوجها
والفتاة من أبيها او اخيها
بدون شفقة أو رحمة في حالات عديدة !!!!!
وفي حالات الاعتداء هذه تكون عقوبة المعتدي السجن بعد الابلاغ عنه حسب القانون

سؤالي للصبايا :
لو تعرضتي للضرب المبرح من أبيك أو أخيك أو زوجك في المستقبل
هل ستشتكي وتلجيء للقانون ليأخذ حقك منهم ؟؟؟
أم ستفضلين السكوت عن حقك مقابل الصلة والقربة التي تجمعكي بمن أذاكي ؟؟؟


أيها الشاب
هل ترى انه من حق الفتاة أنه تدافع عن نفسها برفع دعوة كهذه
ولماذا نعم ولماذا لا ؟؟؟
بانتظار مشاركاتكم القيمة وابداء آرائكم
تحياتي
بنت سورية

الدفاع عن النفس ما حيكون برفع دعوة لأن هيدا حيعقد الموضوع أكتر..

اذا كان الضرب من قبل الزوج ,بفضل الأنفصال أكيد..
واذا كان من قبل الأب أو الأخ ,بالحوار والمناقشة والأقناع بنختصر الطريق شوي..يمكن أنا فكرت بالحوار والنقاش عشان معودة على هيدا الأسلوب..بس في أهل ما بيعرفوا هيدي اللغة ...ومش منطقية أبدا انو ارفع دعوة على أهلي!!!
ما بتصور حدا بيقبل هيك حل؟!
الحل بدو يبدا من عند الأهل ويحاولوا قد ما بيقدروا يستعملو ويعتمدوا أسلوب النقاش والدفاع وتقبل رأي الولاد والاخذ به اذا كان في مصلحتهم...

مشكورة زينب على المشاركة وابداء الرأي
بس عنجد في بنات بيتعرضوا بشكل يومي لضرب قاسي من قبل الاب او الاخ او الزوج
ومرات عنجد مو غلط الوحدة ترفع دعوة
مع احترامي لصلة القربة بينهم يلي لازم تتذكرها البنت قبل ما تعمل هيك
بس الافضل انه هنن كانوا يتذكروها قبل ما يضربوها للبنت
انا ضد العنف مع المرأة ولو مين ما كان الشخص يلي اتصرف معها هيك الها الحق بانه تدافع عن نفسها بالطريقة يلي هيي بتشوفها مناسبة