لماذا الفايس بوك !!!

السلام عليكم ورحمة الله وبركاته
اكيد الكل بيعرف موقع الفايس بوك يلي يعتبر اهم تالت موقع بالعالم ويلي بيضم عدد كبير كتيررررر من الناس من كل بلاد العالم
فايس بوك موفع منوع بيضم صور الناس ومعلومات شخصية عنهم ومعلومات تانية موجودة ضمن الموقع.
سؤال كتير مهم خطر على بالي
ليش الفايس بوك؟؟

شو هالاهمية والتميز لموقع مراقب من قبل الاستخبارات الاميركية والاسرائيلية كمان
شو الهدف من موقع مستخدم لتعزيز ثقافة الاحتلال من خلال عدة مواقف لح احكي عنها لاحقا
شو الهدف من موقع فيه مجموعات تدعم المقاومة بس هيي مهددة بالاغلاق وبعضها اغلق وتوقف حساب اعضاء !!!
شو الهدف من موقع لنشر الصور الشخصية والتعارف بين الشباب والبنات !!!
كتير عندي اسئلة حول موقع الفايس بوك
وبصراحة ما لح حدد اطار النقاش بسؤال او سؤالين خلونا عنجد نتناقش بهاد الموضوع ونعرف وجهة نر الكل فيه
لانه الفايس بوك عنجد صار ظاهرة خطيرة بالسنين الماضية

سلام

السلام عليكم ورحمه الله وبركاته...

موضوع مهم جداً جداً..مشكورة حبيبتي ع الطرح ..


فعلاً متل ما التي الفايس بوك صار ظاهرة خطيرة وخطيرة كتير...


انا بكل صراحه بحسو شي بايخ وما الو فايده ابداً..وضدو 100%

1-موقع استخباراتي خطير..ومراقب..

2-موقع مركز على التعارف بين الشباب والبنات...خارج حدود الاخلاق والدين وقيمنا العربيه بالنسبه للعرب(طبعاً مش الكل ...بس قسم كبير للاسف..) ...وعم بصير كلشي قصص من وراه..

3-موقع يشجع على الانفتاح نحو الغرب وقيمه وعاداته ...ونسيان هويتنا كعرب ومسلمين

والاحلى من هيك انو الفايس بوك يعتبر "موضه" هلأ..وللي ما عندو فايس بوك بيعتبر "متخلف"

وصارت معي شخصياً...

وحده عملتلي اد ..وقبل ما تسألني شو اسمك بتقللي عندك fb ؟؟
التلها ليش؟...بتقللي لحتى اعرف ازا بدي اتعرف ع ناس متطورين ولا متخلفين.. لانو للي ما عندو fb هو متخلف!!!!!!!


شو رأيكن؟؟؟؟؟


بالنهايه كل واحد حر بتصرفاتو..وباختيار المواقع للي بتهمو ع النت..

بس نحنا لازم نعرف قبل ما نختار ..مين اخترنا وليش..وازا نحنا واثقين من اختيارنا وشو الهدف من هالاختيار...
وكل شي بلا هدف هو شي فاضي ومضيعه للوقت مش اكتر..



مشكورة اختي بنت سوريه مرة تانيه ع الطرح المهم..وهيدا كان رأيي بكل صراحه

تحياتي

أنا من المشتركين بالفايس بوك...بس أبدا مش هدفي التعارف ,وكل رفقاتي يلي معي هم أقاربي وأشخاص معي بالشغل يعني ما في حدا غريب.. اذا ما بكون هدفي التعارف لأنو بعرفن مسبقا!..

وأوقات كتير بتواصل معهم عبره لأن أكثرهم مسافرين ..والشي التاني انو في كتير مجموعات تدعم المقاومة ومجموعات معنية بنشر ثقافة أهل البيت وهيدي المجموعات ما عم تتسكر..وان كانوا عم بسكروا مجموعات داعمة للمقاومة عم يرجعوا يفتحوا عشرة مكانها...مش غلط انو نكون بأي مكان ,بس نعرف كيف عم نحكي ونقدم وجهات نظرنا بطريقة حضارية ونوضح أفكارنا عن طريق موقع يستقطب عدد هائل من الناس..

ما عم قول انو ما في سلبيات بالعكس في سلبيات كتير بس هون دورنا بأنو ما نتأثر بهيك سلبيات ونحاول نواجها ..


شكرا عالموضوع الحلو

مشكورة ملكوت على مشاركتك وفعلا متل ما حكيتي انا بستغربوا رفقاتي انه ما عندي فايس بوك
وكأنه شي أمر خطير ههه
وبالنسبة لكلام الاخت زينب انت حكيت شغلات صح وطبعا اكيد مو الكل الناس بتستخدم الموقع بشكل سلبي بس الفكرة انه هاد الموقع مراقب وانا ذكرت مرة انه قريت تقرير عن الفايس بوك
ومن يلي انذكر حرفيا لح انقلكم هو
"أشار الموقع العربي لشبكة سي ان ان الى اكتشاف اسرائيل مؤخرا ان الفايس بوك قد يهدد امنها القومي، وفق ما كشفت عنه مصادر دفاعية.
ونقلت الشبكة عن مصادر رفضت كشف هويتها الى لائحة جديدة من القوانين أعلنت، تهدف الى منع الجنود الاسرائيليين وموظفي وزارة الدفاع من الكشف عن معلومات سرية في الموقع الالكتروني الاوسع استخداما، وعزت هذه القيود الى تحميل بعض الجنود صورهم الشخصية وبجانبهم اسلحة سرية، مما قد يؤدي وبشكل غير متعمد الى الكشف عن معلومات حساسة".

مرات عالفايس بوك بينشر شي وحكي بشكل غير متعمد بس بيكون عم ينقل معلومات خاصة

انا بس بدي قول اذا اسرائيل بتحسب حساب للفايس بوك مع انه هيي وحدة من الدول يلي الها علاقة بمراقبته شو لازم يعملوا العرب!!!

انا مو ضد انه الواحد يلاقي وسيلة تواصل مع الاقارب والاصدقاء متل زينب
بس بالمقابل مرات بدخل لشوف الموقع وبستخدم اسم ابن خالتي بلاقي بنات وشباب حاطين صورهم ورصور اصدقائهم.
بس يلي فاجأني أكتر هو انه بعض العرب ضايفين ناش من اسرائيل !!!!!!!!!!!!!
ما بعرف شو الهدف بس عنجد لما شفت هاد الشي انصدمت كتير

مشكورين عالمرور وان شاء الله الي رجعة وبناقش كمان شو عم بيصير بالفايس بوك وكيف صايرة توجهاته
سلام

بس يلي فاجأني أكتر هو انه بعض العرب ضايفين ناش من اسرائيل !!!!!!!!!!!!!
ما بعرف شو الهدف بس عنجد لما شفت هاد الشي انصدمت كتير

أنا معك انو عم بصير أشيا شاذة ..بس هيدا بيتوقف عا الشخص نفسو
في كتير عرب هم أصدقاء لأسرائليين مش بس عا الفايس بوك وكمان هني أصدقاء بيتقابلوا وبشوفوا بعض ومش الفايس بوك هو يلي جمعهم,وانت شايفة انو في كتير دول صارت عم تطبع مع اسرائيل وعم تسمح لهم بالأقامة على أراضيها متى ما ارادت!!! وهيدا عم يسمح ويسهل التلاقي بين العرب والأسرائليين وهيدا عدا عن الثقافات يلي عم تنتشر بسرعة فائقة عن طريق هالممارسات من قبل مناصري التطبيع...اذا انا برأيي ما فينا نحط كافة المسؤولية (ولو انو في جزء مهم من المسؤولية)على هيك مواقع ونترك العوامل التانية يلي عم تدعم أكتر من غيرا...

مزبوط كلامك وانا معك
الموضوع بيرجع للشخص نفسه
بس ما بعرف ليش انا هاد الموقع ما بحبه
وضده كتير

انا ضد الحكي اللي بيقول لازم انرعب من الفايس بوك او انو شي حيهدد الأمن القومي.

الفايس بوك متلو متل الماسنجر وسيلة اتصال و تواصل. و متلو متل غيرو من الأدوات اذا ما استخدمناها منيح حتكون سلاح ضدنا.

انا ضد انو الواحد ينشر غسيلو على الفايس بوك او يحط معلومات عن حالو و اقاربو. يعني انا عندي فايس بوك بس ما حاطة ولا معلومة صحيحة عني و فايتة بأسم مستعار, و اكيد ما بضيف عالم غريبة, بس اصحابي. و انا بشوف كتير غلط وقت الناس بيحطو صور عيلون و اخواتن على الفايس بوك او البنت حتى لو كانت مسلمة و محجبة تحط صورها.

يعني و خصوصا اللبنانييي بيقلبو كل شي شخصي و بيسترسلو, بتلاقي يمكن نص زوار الفايس بوك من لبنان و صارو يتبارو العالم عنا مين بينشور صورو و اغراضو اكتر على الفايس بوك . و اللي كان يحكي ساعة و ساعتين مع اصحابو على التلفون صار ملزق على فايسبوك طول النهار و اكيد بالأضافة للمسنجر.

انا بس بستفيد من الفايسبوك من الأعلانات فينا نشوف و ننشر اعلان او نعمل صفحة لمنتوجاتنا على الأنترنت و الناس تشوفها و يمكن تطلب معلومات اكتر عنها.

يعني بفايس بوك متل مافي طق حنك بتلاقي مطارح تستفيدي منها كمان. و كل واحد حسب على شو هو عم بيفتش.

شكرا على الموضوع الشيق.

كمان نقلتي عدائك للفايس بطاطا على المنتدى ؟

هههههههههههه
بتعرفي رأيي بالموضوع
المشكلة انه عنجد النسبة الاكبر من العرب عم يستخدموا الموقع استخدما سلبي وغير مفيد لهيك ما عم نحس بالفوائد يلي ممكن نحصل عليها من الفابيس بوك
متل مجموعات لدعم المقاومة وهيك
بس بالاخير اكيد انا ما عم قول الكل هيك بعرف اشخاص عم يستخدموها فعلا لنشر افكار المقاومة وبس
وبالاخير هاد موضوع لكل واحد رأيه فيه وانا بس حبيت نحكي شوي عن المووضوع ونتناقش فيه اكتر

مشكورة اتيرنتي والله منورة يا حجة

سلام

هلقد الفايس بوك قاهرك؟!؟!
خلص من بكرا بدي أعمل غروبس للتصويت ضدو

ههههههههههههههههههه
اوكي وانا اول المصوتين