أبو حميد تحت المجهر

السلام عليكم ورحمة الله وبركاته
هالمرة بالاستضافة معنا اخ كتيرررر مميز وغالي عالجميع
واله حضور حلو كتير
وعنجد من زمان كنا حابين يكون هو معنا لحتى نتعرف عليه اكتر

هو الاخ العزيز أبو حميد

طبعا كل الاخوة بيقدروا يسألوا الاخ أبو حميد اي عدد من الاسئلة باليوم ما في اي مشكلة ونحنا بانتظار الاجوبة

سلام

انا لح بلش بعدد من الاسئلة

1- شو رأيك بالتقارب الاخير يلي صار بلبنان وبين سورية والسعودية ؟؟

2- لأي درجة مهمة المنتديات بالنسبة الك؟

3- شو اهم هواياتك غير صيد السمك ؟

4- اي نوع من الكتب بتحب تقرأ؟

أهليين بالأخ أبو حميد...

وبلا طول سيرة:
1...شو هو أكتر شي بالحياة بخليك تحبا؟
2...من هو أقرب اليك من قلبك وعقلك من حولك؟
3..موقف علمك الكثير وما ممكن نسيانه؟

سلام عليكم خيي ابو حميد..

1-شو اهم شي بحياتك؟؟

-2 مقوله او حديث دايماً بترددو؟؟

3-كلمه بتوجهها لاعضاء المنتدى؟

انا شايفة انو أبو حميد كمان ما بدو يجاوب؟؟

الكل يبعت رسائل خاصة لأبو حميد مشان يشارك
انا ما عم اعرف شو قصة الرسايل عندي

السلام عليكم جميعا,
مبسوط كتير بهلاستضافة,
وبعتذر علتاخير,ورح بلش بالاجوبه

اهليييين

بنت سورية كتب:

انا لح بلش بعدد من الاسئلة

1- شو رأيك بالتقارب الاخير يلي صار بلبنان وبين سورية والسعودية ؟؟
التقارب لمصلحة الجميع,وبتمنى يضل وما ينهار,بل يتوسع ليعم بين الجميع
وتقارب سورية والسعودية خطوة كتير مهمة وخاصة للبنان يلي بيحتاج دائما
الى اطراف محايدة لتلعب دور متوازن بين السياسيين,وسوريا اعلنت مرارا
انها تدعم التوافق بين اللبنانيين ولا تدعم طرف على حساب أخر,كما
تفعل اميركا او مصر مثلا ,او حتى السعودية التي اتمنى انو تكون غيرت
سلوكها ,بعد اجتماعها مع سوريا.

2- لأي درجة مهمة المنتديات بالنسبة الك؟
ما بدخل على اي منتدى آخر غير هلمنتدى المفضل عندي,
كنت احيانا اروح عمنتديات اخرى لما كان منتدانا يتعطل,بس ما
تاقلمت الا مع اول منتدى دخلته صدفه,متندى المقاومة والجنوب,


3- شو اهم هواياتك غير صيد السمك ؟
ههههه صيد الطيور , الرياضة بلبيت ,وبهوى مشاهدة بعض افلام الاكشن,
والبرامج السياسية وخصوصا فيصل قاسم بالاتجاه المعاكس ,
قراءة بعض الكتب احيانا,..


4- اي نوع من الكتب بتحب تقرأ؟

الدينية

يعطيك العافية اختي بنت سوريه

zainab akhdar كتب:

أهليين بالأخ أبو حميد...

وبلا طول سيرة:
1...شو هو أكتر شي بالحياة بخليك تحبا؟
مساعدة الآخرين حسب المقدرة طبعا,نظرا لأنعكاسها الروحي والمعنوي,
ولحسن العاقبة في الآخرة
2...من هو أقرب اليك من قلبك وعقلك من حولك؟
زوجتي وحبيبتي حفظها الله من كل سوء,فهي كل شيء
لي في غربتي,وخصوصا انني بعيد عن اهلي وعائلتي
3..موقف علمك الكثير وما ممكن نسيانه؟

كل لحظة ضعف او وقت شدة,بتعلمني وبتخليني
كون اقوى,وبتبين نقاط ضعفي,لأسدّها وكون أقوى
بالمرة المقبلة..

مشكورة جدا اختي زينب

[quote="ملكوت7"]سلام عليكم خيي ابو حميد..

1-شو اهم شي بحياتك؟؟
حاليا انو جاوب عسؤالك ههه
اهم شيء انو عيش وراضي ربي




-2 مقوله او حديث دايماً بترددو؟؟

عامل كما تحب ان تعامل
نصف العلم هو قول لا أعلم او لا ادرى



3-كلمه بتوجهها لاعضاء المنتدى؟
بتمنى شوف الكل عميشارك بالمنتدى بنشاط وجد,وبروح
رياضية واخويه,ونقدر نساهم بشكل جميعا باقصى طاقاتنا
لمسيرة ودعم المقاومة من و في كل العالم..

بارك الله فيك اختي ملكوت

صبا الجنوب كتب:

1- كيفك مع الثقة بالنفس ؟؟
الحمدلله ماشي الحال,

2- اذا كنت تدرس باي سنة ؟؟ واذا خلصت شو كان تخصصك ؟؟
درست بكالوريا فنية,
تخصصي كان طاهي,بس وقفت الشغل فيها,

3- باعتقادك متى المفروض يحس الانسان بالفخر من نفسه ؟!

لما بكون مسؤول عن افعاله,ويعترف اذا اخطأ,ولما بكون صادق
وما بيتعدى عأحد.

موفقة اختي صبا الجنوب

مسا الخير اخي ابو حميد
كيف الحال
لح اشتغل فرصة وجودك هون واسألك كم سؤال

1- مين الشخصية الدينية يلي أثرت فيك بشكل كتير كبير؟

2- شو الشي يلي بيشغل تفكيرك بشكل دائم ؟؟

3- باعتبارك متغرب شو رأيك بمقولة
الفقر في الوطن غربة والغنى في الغربة وطن ؟؟؟

4- مين الاعضاء يلي بتحسش شخصيتهم قريبة الك ؟ وهل كونت صداقات مع اخوة من المنتدى ؟

[quote="بنت سورية"]مسا الخير اخي ابو حميد
كيف الحال
لح اشتغل فرصة وجودك هون واسألك كم سؤال

1- مين الشخصية الدينية يلي أثرت فيك بشكل كتير كبير؟
السيد حسن نصر الله حفظه المولى ,

2- شو الشي يلي بيشغل تفكيرك بشكل دائم ؟؟
العودة النهائية للوطن

3- باعتبارك متغرب شو رأيك بمقولة
الفقر في الوطن غربة والغنى في الغربة وطن ؟؟؟
قول الامام علي طبعا ولا شك انه قول صحيح وحكيم ومظبوط 100%
بس الارض يلي خلقت عترابها وتربيت وترعرعت وقضيت ثلثين من عمري
فيها,لا يمكن انساها,وهدفي من الغربة هو العودة للوطن وللأهل
سالما غانما نشالله

4- مين الاعضاء يلي بتحسش شخصيتهم قريبة الك ؟ وهل كونت صداقات مع اخوة من المنتدى ؟
سؤالك صعب وبحيّر
اولا بعتبر الكل في المنتدى اصدقائي واخواني
بس ما بعرف احد معرفة شخصية او قريبة او صداقة ,بالتالي صعب التكهن,
بس كنت احكي مع الاخ حسين بالمنتدى سابقا,ببعض المواضيع اللي كانت تخص
المنتدى , وما عاد حكينا بشي,فبعتبرو صديق قريب بالمنتدى

شكرا لك اختي بنت سوريه,وعمجهودك المميز,

مشكور اخي ابو حميد على الاجابة
وعندي لسى أسئلة كتيررررر

1- اكيد ببلدنا العربي في كتير مظاهر او ظواهر كتير سلبية بالفترة الاخيرة
بس برأيك شو أسوأ ظاهرة موجودنا حاليا ؟؟

2- شو اكتر موقف أثر فيك خلال حرب تموز؟

3- شو أكتر شي بيخفف عنك غربتك (طبعا غير وجود زوجتك)؟

4- بكل صراحة
شو هي صفاتك السلبية ؟

5- ايمت حسيت حالك انك امام تحدي صعب بالحياة وقدرت تنتصر فيه ؟؟


سلام

[quote="فاطمة زهراء"][color=indigo]السلااام عليكم

يا هلا بالاخ ابوحميد منور الموضوع بحضوره

اهلا فيكي اختي

رح بلش بالاسئلة دغري مندون شي جيت مأخرة هههه

1ـ قلت انك متزوج .. هل لديك اولاد ؟ ـ واذا اي كم ولد و شو اساميهن ؟؟
الولد علطريق,نشالله بيخلق باوائل آذار,وحنسميه علي ..

2 ـ قديش الك متزوج ؟ ـ وشو بتقول للي قادم على حياة الزوجية كـنصيحة من اخ ؟
حوالي سنتين,,
نصيحتي للشاب والفتاة انو ما يترددو كتير بالنسبة للشريك,ويطولو بالن
شوي اول سنة زواج خصوصا,ويتكلوا عالله

3 ـ شو لي بيخليك مستمر معنا بالمنتدى ـ وان شاء الله بتبقى عطول يا رب ..؟
طبعا باقي عطول
ونشالله كلنا باقيين بالمنتدى
تعودت عالمنتدى يلي استفدت منو كتير,وصار صديق جديد


4 ـ هل زوجتك بتشارك معنا بالمنتدى ؟ وازا لاء .. ليش ؟؟
ههه
لا مش بالمنتدى
كانت تشارك بمنتديات اخرى ووقفت.كنت دايما قولها ايمتى
رح تتسجلي معنا,وتقولي انا معكن بس انت ما بتعرفني مين ههههههه.



5 ـ مين بتحب تشوف من اعضاء المنتدى ؟
يا ريت بيقدروا الكل يجتمعوا شي مرة ,

6 ـ بأي بلد انت ؟
بالنرويج

هههههه يا الله سامحنا اخي كتار شوي ويمكن حشورين شوي

بس ع راحتك لي ما بدك تجاوب عليه انت حر

وان شاء الله برجع بأسئلة جديدة
سلام

موفقة اختي فاطمة الزهراء

بنت سورية كتب:

مشكور اخي ابو حميد على الاجابة
وعندي لسى أسئلة كتيررررر

1- اكيد ببلدنا العربي في كتير مظاهر او ظواهر كتير سلبية بالفترة الاخيرة
بس برأيك شو أسوأ ظاهرة موجودنا حاليا ؟؟
يمكن عشان بكره النميمة رح اعتبرها الاسوأ,والكذب كمان

2- شو اكتر موقف أثر فيك خلال حرب تموز؟
أكيد الصمود الاسطوري للمقاومة وشعبها,وتمنيت
كون بلبنان حد أهلي مثل بقية الحروب السابقة.
وموقف الرئيس الشجاع بشار الاسد لما اتصل بالسيد
حسن وقالوا نحنا جاهزين للدخول بامعركة بس ادعونا

3- شو أكتر شي بيخفف عنك غربتك (طبعا غير وجود زوجتك)؟
وجود بعض الاصدقاء الاوفياء,

4- بكل صراحة
شو هي صفاتك السلبية ؟
هههه
بقولولي انت عصبي كتير بس قلبك طيب,
وبقولن بعصب عن حق,وبالي مرتاح


5- ايمت حسيت حالك انك امام تحدي صعب بالحياة وقدرت تنتصر فيه ؟؟
ممممممم
لما تركت شغلي وحصلت على احسن منو


سلام

شكرا لك

السلام عليكم
كيفك اخي أبو حميد
عندك الك اسئلة من جديد

1- لو كنت قادر على انه تكتب كتاب عن لبنان
شو الشي يلي بتحب تحكي عنه (غير المقاومة وحزب الله )؟

2- شو المكان يلي بتحب ترتاح فيه ؟؟

3- لو كنت قادر تغير شي واحد بحياتك شو هو؟؟

4- شو هي البلدان يلي زرتها ؟؟

سلام

بنت سورية كتب:

السلام عليكم
كيفك اخي أبو حميد
عندك الك اسئلة من جديد

1- لو كنت قادر على انه تكتب كتاب عن لبنان
شو الشي يلي بتحب تحكي عنه (غير المقاومة وحزب الله )؟
عن الطبيعة الخلابة بلبنان وأهمية الحفاظ عليها والاستفادة منها

2- شو المكان يلي بتحب ترتاح فيه ؟؟
الطبيعة والبحر

3- لو كنت قادر تغير شي واحد بحياتك شو هو؟؟
انو عيش حد اهلي

4- شو هي البلدان يلي زرتها ؟؟
سوريا وسويسرا,وكم دقيقة بفرنسا والمانيا يعني مرور طريق

سلام

موفقة اختي الكريمة

فاطمة زهراء كتب:

سلام

1 ـ شو حلمك لي حابب تحققوا ؟
ارجع علبنان عطول باقرب وقت :yay

2 ـ اجمل ذكرى من طفولتك ؟
اللعب في القرية مجموعات عصابات متضادة,ورشق الحجارة عبعضنا

3 ـ شي بحياتك حابب تغيرو ؟
مهنتي


4 ـ اذا كنت بسفينة مع زوجتك وامك وبيك.. ولازم تكب حدا منهم لتنجي الباقيين ..

مين بتكب وليش ؟؟؟ ( هههههه سؤال صعب )

بكب حالي طبعا من غير ليش
5 ـ لأي مدى انت مستعد اتضحي كرمال السيد حسن ؟

التضحية اولا واخيرا حتكون لمصلحتي,والسيد ما بياخذ منها شي,
والسيد بفدي بروحي,

موفقة اختي الكريمة

مسا الخير
كيفك اخي أبو حميد
عندي كمان اسئلة جديدة الك


1- ليش تغربت عالنروج بالتحديد؟؟

2- شو هو العمل يلي بتفكر تبلش فيه بس ترجع على لبنان؟؟

3- لو انت كنت مسؤول لبناني شو القرار يلي بتتخذه بلبنان بهي الفترة بالتحديد؟؟

4- شو هو الشي يلي لسى عالق بذاكرتك من أيام الطفولة ولهلق بيخطر على بالك كل فترة؟؟

بنت سورية كتب:

مسا الخير
كيفك اخي أبو حميد
عندي كمان اسئلة جديدة الك


1- ليش تغربت عالنروج بالتحديد؟؟
عرض عليّ احد الاقرباء موضوع السفر لهون ,حيث هو مقيم,
وبنفس الوقت كان في عرض او دورة روتباء بالجيش اللبناني يلي كنت عم بخدم فيه خدمة العلم يومها,
,ولكني اخترت الخيار الاول لاني كنت احب السفر كتير بصراحة

2- شو هو العمل يلي بتفكر تبلش فيه بس ترجع على لبنان؟؟
صياد سمك هههه عنجد حلوة هلشغلة

3- لو انت كنت مسؤول لبناني شو القرار يلي بتتخذه بلبنان بهي الفترة بالتحديد؟؟
بطرد قوات اليونيفيل المنحازين لاسرائيل بشكل واضح,ومعهم سيسون,


4- شو هو الشي يلي لسى عالق بذاكرتك من أيام الطفولة ولهلق بيخطر على بالك كل فترة؟؟

اللعب في القرية,ومشاوير الصيد..

بامان الله اختي الكريمة