أيهما أجمل في البنت الأنوثة أم قوة الشخصية؟

برأيي انو البنت لازم توازن ما بين الأثنين ..يعني تحافظ على أنوثتها بحيث لا تبالغ بها ولا تستغلها ومن جهة تانية أكيد لازم تحافظ على قوة شخصيتها بأن لا تزيد عن حدها حتى لا ***تسترجل*** بالدارج))وتفقد أنوثتها

..لأن البنت التي لا تملك شخصية قوية ,,لا يمكن أن تحسن التصرف في الكثير من المواقف التي نواجهها في الحياة..

تقبلوا رأيي المتواضع

شكرا عا الموضوع.

انا برأيي كمان لازم تحافظ ع التوازن بين الانوثه وقوة الشخصيه بس تميل اكتر للانوثه..
لانو هي بالنهايه انثى..ولازم ما تكون متل الرجال..
لانو شخصيه البنت بأنوثتها..
بنفس الوقت تكون بتعرف كيف تحافظ عن نفسها ودينها ..وكيف تتعامل مع الناس...بكل اخلاق واحترام وادب...
بس لما تكون بمواقف بتستدعي قوة الشخصيه..وقتها لازم تكون قويه!!


مشكورة اختي ع الطرح..
تحياتي

السلام عليكم



الله سبحانه وتعالى خلق المرأة ككائن لطيف وهيدا يلي بيميزها عن الرجل ,,, يعني الحياة من دون المراة لا تطاق كما وانو الحياة من دون الرجل لا تطاق

من هنا نكتشف ان تخلي المراة عن هذه الصفة قد يفقد الحياة شيء من رونقها او حتى اذا منسوب الانوثة لدى المرأة تراجع قد يعود بانتائج سلبية على الرجل والمراة , لانو الرجل بيضيق خلقو وحتى كمان يعني قوة الشخصية عند النسوان ما بتلبقلهم الا ازا كانت طالعة من القلب ,,, يعني شي مرة مقهورة على ابنها او اي شي خلاها تظهر بمظهر الام او الاخت او الزوجة المجاهدة يلي عم تطالب بحقها ,, هيدي شي دليل على صحة المراة وتوازنها وهو الشي الجميل منها ايضا


من الاخر ... المرة لازم تضل بالمظهر الانوثة لها ومش صحيح ابدا تتخلى عنو الا في حالات قلبها قد يولد حالة من قوة الشخصية في اطار الدفاع عن حقها



مشكورة اختنا على الموضوع الحلو

يعطيكي الف عافية

السلام عليكم

حكيكم كلو صح ومزبوط

وانا هيك رئيي

انو لازم الاتنين مع بعض الاتنين مهمين الانوثة لابد تطغى انوثتها اولا وتانيا وتالتا و قوة الشخصية مش بس بلصراخ والنظراتات اللئيمه والحادة وغلط اللي رح يفكر هيك قوة الشخصية بتكون بالثقه بالنفس والقدرة ع الاقناع والثبات ع المبدأ بشكل كلي

قوة شخصيتها مارح تمنع انو الانثى بتكون ذو احسااس رقيق ومرهف في آن واحد فقط

الله يعطيكم الف عافيه لمروركون الاكتر من رائع

يعيشو هالديات

بعتقد ببعض المجتمعات ما بتقدر البنت تعيش بحرية أو بدون تعليقات من الجميع إذا ما كان عندها شخصية قوية .. لأنو أوقات البنت اللي بتهتم كتير بأنوثتها ممكن يصير اللي ما يعجبها بالنسبة إلها .. انا عم احكي ببعض المجتمعات مش بأغلبها .. يعني بكل بساطة البنت خلي عندها شخصية قوية مخفية لوقت الحاجة و بنفس الوقت أنوثة للعالم المحيط ..

ان شاء الله كون وضحت الفكرة اللي بدي أوصل إلها ..
تحياتي الكم

اية هيك رئيك كمان مزبوط انو شخصيتها القوية بتخفيها لوقتها

شكرا إلك عالتواجدك الحلو

يعطيكي الف عافيه

نورتي

اكيد لازم ومهم يكون عندها شخصية ومتعلمة ,بحيث انو ما تتاثر بكل راي او كلمة من هنا وهناك,
والانوثة هي احلى شي بالبنت ومش لازم تتخلى عنها.
رمضان كريم

متل ماقلنا وبلمشرمحي انو الاتنين مهمين بس قوة الشخصية مش بتكون بلعياط والتمرجل متل ماقلتو

الله يعطيكون الف عافيه لمروركون

شرفتو

برايي قوة الشخصية ما بتتعارض مع الانوثة أبدا
الا اذا الكل بيفكر انه المراة القوية يعني المسترجلة !!
المراة القوية هيي المراة يلي بتعرف تتصرف بذكاء ووعي وفهم
ويلي بأي موقف بتنحط فيه هيي قادرة تدير الأمور بالشكل الصحيح
ويلي بتقدر تاخد حقها باسلوب واعي وعن فهم
هاد مفهوم قوة المراة الحقيقي
وهيي الشغلات ما بتقلل من انوثتها بالعكس بتزيدها انوثة اكتر
لهيك الاتنين حلوين مع بعض لما بيكونوا بالحد الطبيعي
ما في شي اجمل من شي
كله بيكمل بعضه

يسلمووو عالموضوع الحلو كتيرر
سلام

عنجد مافي شي اجمل من شي والاتنين مهمين

شكرا إلك لحضورك

يعطيكي الف عافيه

نورتي