السلطة المكسيكيه

المقادير : (الكميه للصينيه الوسط زي اللي بالصوره اذا بتستخدمين البايركس الكبيره دبلي المقدار)
- خس قدر خمس ورقات . (انا استخدمت اكثر)
- جزر خمس حبات . (إذا كانو صغار اما إذا كبار حبتين تكفي)
- جبن تشيدر . (مو شرط اللي بالصوره انا استخدمت كرفت)
- علبة ذرة حلوة .
- دجاج مسلوق. (انا استخدمت "رضوى" اذا الصينيه الوسط صدرين وإذا الكبيره ثلاث صدور)
- ثاوزند ايلاند .
- شيبس التاكو ينباع بالتميمي .
* جبن التشيدر زي اللي بالصوره اللي عليه صوره بقره + صوص الثاوزند إيلاند + شبس التاكو بنكهة الكاري زي اللي بالصوره = كل هالاغراض موجوده بالسيفوي والتميمي



مكونات الصلصة :
- علبة لبنة . (انا استخدمت لبنة اولكر احط ملعقه وأذوق احط ملعقه وأذوق >> لين قضت الصلصه أمزح لين عجبني الطعم تقريباً ثلاث او اربع ملاعق
- علبة لبن زبادي .
- ملعقتين طحينة .
- ملعقتين مايونيز .
- ليمون قدر حبتين .(مااحتجتها كلها)
- ملح حسب الرغبة .





الطريقة : -
1- يقطع الخس الى شرائح و يبشر كل من الجزر والجبن التشيدر .



- يخلط الدجاج مع صوص الثاوزند ايلاند . ( انا قطعته قبل مااسلقه اولاَ شكله أرتب وثانياً ولو نتفته بعد السلق بينعجن مع الصوص , قطعته على شكل اصابع عريضه شوي طبعاً مو طول اصبعتس لا نص الاصبع تقريباً وبالنسبه للصوص تقريباً ثلاث او اربع ملاعق)
3- في صينية التقديم يوضع طبقة من الخس ويترك نصفه للطبقة الأخرى ثم تضع نصف كمية الجزر ونصف كمية الذرة وبعد ذلك جبنة التشيدر ثم يوضع الدجاج كاملا ويوضع فوقه شيبس التاكو ثم توضع نصف كمية الصلصة .
4- الان نعود لوضع الطبقة الثانية من جديد خس – جزر – ذرة – ثم الصلصة واخر شي نرش جبنة التشيدر من فوق ، وعلى الجوانب نوزع الشيبس .
5- يزين على حسب الرغبة




بالهنى

تحياتي

م ن ق و ل

كان جايي عابالي شوف شكلا
بعد كل هالحكي شهيتيني

مابعرف ليش ماطلعت الصور

فشلووني !!





بس والله حلوة كثير


شكرا على مرورك يازينب وسامحينا