اي ما حدا يستغرب
اعتزلت هالشعار يلي ولدنا وتربينا عليه
ويلي عم نضل متمسكين فيه وندافع عنه
اي عروبة وكل العرب ضد بعض
واي عروبة وكل بلد عربي الوضع فيه أضرب من التاني
والتدخل الاجنبي فيه نسف العروبة
السودان لح يصير سود واحد
وتونس قامت وقعدت ومواطنين من الشعب التونسي عم يموتوا كرمال مطالبهم بالحياة وفرنسا بلشت تعطي رأيها بالموضوع وفي عني مو مطولين لنشوف تدخل فرنسي بحت
والاردن ومصر
بلا ما نحكي شي بيخجل
بيكفي هالسفارات الاسرائيلية يلي شاكة بنص أم الدنيا والمملكة الهاشمية
(أراضي العروبة ).
والسعودية والبحرين
شو بنحكي عن حكومات عربية عم تقتل شعبها الشيعي شوي شوي وتلغي هويته وتنسى العروبة وتطغى الطائفية على كل مفاهيمها
وشو بدكم كمان نحكي لنحكي
لبنان
ااااه يا لبنان يا اول موطن للانسان
صرت آخر موطن للانسان
بعد كل هالتشجنات السياسية يلي عملت أزمات قتلت الشعب وخنقته وخلت من لبنان مطار لكل طيارات التدخل العربية والاجنبية
وبعد كل هالعملاء من نص السياسيين وبعض الشعب والحكومة يلي آخر شي بتسأل عنه هو لبنان وعروبته !!
اما فلسطين ما تسألوا
خلااااااااص نسيوا العرب فلسطين والدين
ونسيوا كل الشهداء يلي قدموا حياتهم دفاعا عن العروبة
ونسيوا الاطفال يلي تشردوا عن كل اطفال العرب
ونسيوا التهجير يلي صار للفلسطينين
ونسيوا كل شي بيتعلق بفلسطين
الا حكومة العدو المحتلة الأرض يلي بتضل ببالهم دائمااااا وشاغلة أفكارهم ومو شايفين غيرها
ونيال يلي شاغل بال وأفكار العرب!!!
شو كمان بدكم نقول
العرب ضد العرب
السعودية والاردن ومصر ضد سوريا وقطر
وسوريا وقطر ضد امريكا ومع إيران
وإيران ما حدا طايقها وكلهم صاروا يحبوا امريكا
وامريكا بتحب الحريري وجعجع
وجعجع بيحب اسرائيل
واسرائيل ما بتحب حدااااااااا وبتحب حالها وبس
و
و
و
و
و
و
و
و
و
و اذا بدي احكي ما لح اخلص
عنجد قرفونا العروبة
بس هاد ما بيمنع وجود شخصيات الها مواقف بتخلينا نضل نتمسك بأفكارنا ومبادئنا وبالخط العربي الحقيقي يلي صار نادر
بس بنفس الوقت ما بنقدر ما نعبر عن اشمئزازنا من هالوضع الراهن
هي بس فشة خلق كتبتها لانه عنجد كل ما شوف نشرة اخبار بحس بغصة بسبب العرب
في حدا هون متلي !!!!!